نبدأ بسم الله ونجيب طنجرة نحط فيها قطع اللحم ونضيف عليهم البصل والثوم المرحيين ونحط الملح والتوابل المذكورة وم ك زيت ونحطها على النار تتقلى مليح

نحط كمية من الحمص ونقلي ثم نضيف ما ك طماطم مصبرة ونقلي ثم نجيب رطل شخشوخة نحطو في جفنة واسعة ونحط عليه كمية من الماء نتخلص بيها من هذاك النشاء الموجود فيها ثم نصفيها

نقلي المرق مليح ونحط 3حبات جزر ونقلي مليح

نمرق الطنجرة بالماء ونغلق ونخلي اللحم يطيب ثم نصفي الشخشوخة تاعي من الماء ونخليها حتى تنشف تماما ونحطها في كسكاس ونحطها تفور فوق قدر به ماء ساخن

بعد مافارت الشخشوخة فالمرة الاولى نضيفلها كمية قليلة من الماء ونخليها تنشف ونعاود نرجعلها مرا أخرى فالكسكاس ثم نحل طنجرة الضغط ونشوف اذا طاب اللحم تاعي

بعد ماطاب اللحم مليح نحطو في صحن ونخليه لوقت التقديم ثم نجيب كسرونة نحط فيها كمية الشخشوخة تاعي ونضيف عليها كمية المرق ونحطها على النار تتشرب هذاك المرق ونضيفلها فالاخير ما ص زبدة

فالاخير نجيب صحن التقديم ونحط الشخشوخة نزينها بالحمص والجزر ونحط اللحم فالجوانب جات بزاااااف بنينة