نبدأ بسم الله ونجيب كمية من لوبيا ماشطو (خضراء) نغسلها مليح ونقهيها ونحطها في كسكاس تفور مليح ونضيف عليها القليل من الملح ورشة فلفل اسود نخليها تفور حوالى 90بالمئة ماتطيبش تماما ثم نجيب ربع صدر دجاج نقطعو مربعات صغار

ثم نجيب حبة بطاطا نقشرها ونقطعها شكل طولي ونجيب طنجرة. نحط فيها ما ك زيت ونحطها على النار حتى يسخن ونضيف قطع الدجاج ونقلي مليح ثم نحط ملح وفلفل اسود وتابل دجاج وزنجبيل ونقلي مليح

نضيف المعدنوس المقطع ونقلي مليح ثم نجيب مقلاة نحط فيها زيت ونقلي حبة البطاطا وبعد طاب اللحم نحيه على جنب

نقلي البطاطا مليح ثم نضيف اللوبيا ماشطو (خضراء) والزيت لي كان فيه الدجاج ونضيف عليه رشة ملح وفلفل اسود ونقلي اللوبيا مليح ثم نضيف حبة طماطم مرحية

نحط عالللوبيا 2سنات ثوم مبروشين ونقلي مليح بعد ذلك نضيف ما ك طماطم مصبرة ونصفي البطاطا المقلية في كسكاس بعد ماقليتها

بعد. ماقليت الكل مليح نضيف حوالى كاس ماء ونغلق ونخلي لوبيا ماشطو (خضراء) تكمل طياب تاعها

بعد ماطابت نضيف عليها البطاطا المقلية وقطع الدجاج المقلي ثم نجيب مول يدخل الفرن ونفرغ فيه خليط اللوبيا والبطاطا ونحضر في صحن آخر معدنوس مقطع وكمية من جبن وحبة بيض ونصفةكاس حليب

نخلط مليح ونفرغ الخليط فوق اللوبيا ماشطو (خضراء) ونشعل الفرن يسخن ونغطي المول بورق الطهي وورق المنيوم من فوق وندخل الفرن

فالاخير نخرج الطبق تاعي من الفرن ونقدمو مع كسرة خميرة