نبدأ بسم الله ونجيب ريسبسيون نحط فيها 2كاس ماء دافئ وعلبة ياغورت طبيعي وم ك سكر ونك خميرة الخبز ونخلط الكل مليح

نغيطها ونخلي الخليط يتفاعل حوالى 10دبعد ذلك نضيف بياض بيضة ونصف كاس زيت ونخلط مليح حتى يندمج الزيت فالخليط

نبدأ نضيف في الفرينة بالكاس مع ما ص ملح ونلم العحينة

انا اخذت معايا حوالى 6كاس فرينة نغطيها بورق شفاف ونغطيها بطرشونة ونخليها تختمر

بعد ذلك نوجد صلصة طماطم ونحطها على جنب ثم نرجع العجينة بعد ما اختمرت ونهبطلها الخمور ونحطها فوق سطح العمل ونشكلها حربوش ونقسمو على 2

نشكل الحربوش الاول الى 7كرات صغار ونغطيهم بورق شفاف ونحتفظ بالحربوش الثاني

نبدأ نحل الكرة الاولى على شكل بيضوي ثم نحط ما ك جبن طري ثم كمية من صلصة الطماطم

نحط بعد ذلك زيتون اسود أو أخضر حسب المتوفر عندك ثم جبن طري ثم جبن مبشور ونغلق كيما اي مثل في الصورة حتى نكمل كامل الحبات بنفس الطريقة

نجيب صينية نحط فيها ورق طهي ونحط فوقها حبات الفطائر ونخليهم يختمرو مجددا ثم ندهنهم بصفار البيض مع الحليب ونشكل خطوط بالسكين ثم نزينها بزيتون اسود وسينوج

باقي العجينة لي بقاتلي خلاصلي الحشو ونشكلتها 4حبات شكل حلزوني ودهنتهم بالبيض وزينتهم بالزيتون اسود ثم نشعل الفرن يسخن ثم ندخل السفينة الاولى تطيب اي تستوي من تحت ونشعللهم من فوق يتحمرو حتى نكمل باقي السينيات ونخرجهم ونغطيهم بطرشونة

فالاخير نقدمهم مع حساء الخضار او حريرة جاء بزاف خفاف