نبدا بسم الله ونجيب ريسبسيون نحط فيها 2بيض مع رشة ملح و12م ك سكر ونبدا نخفق مليح حتى يبياض الخليط ثم نضيف 12م ك زيت ونواصل الخفق مليح

نضيف بعد ذلك 12م ك حليب دافئ و2م ك فلان ذوق فراولة ونخفق الكل مليح ثم نبدا نحط 12م ك فرينة وكيس خميرة الحلوى ونخلط مليح

نجيب سينة فرن ندهنها بالزبدة ونرشها بالفرينة ونفرغ خليط الكيك فيها ونشعل الفرن يسخن من قبل ثم نحط الكيك يطيب

نرجع نحضر الطبقة الثانية في ريسبسيون نحط علبة ياؤورت ذوق الفراولة ونحط 2م ك فلان ذوق فراولة ونحط علبة الاربع كرام شانتي و3م ك حليب بارد ونبدا نخفق حتى تطلع الشانتي ونتحصل على كريمة نحطها تبرد حتى يطيب الكيك تاعي

نخرج الكيك بعد ماطاب ونخليه يبرد تماما ثم نجيب الكريمة لي حضرتها من قبل ونطلي الكيك مليح بالسباتيلا ثم نجيب شكولا الطلي ونعمل خطوط رقيقة ثم نجيود أسنان ونعمل خطوط مثل المليفاي

فالاخير الشكل النهايئ لكيك تاعي