نبدأ بسم الله ونجيب ريسبسيون واسع نحط فيه الزبدة ونضيف معاها الفانيليا ونصف كاس سكر ناعم ونخلط مليح بالخلاط الكهربائي ثم نضيف العسل ونخلط مليح ثم نضيف 5م ك زيت ونخلط مليح

نبدأ نضيف البيض ونخلط مليح حتى نتحصل على خليط ابيض ثم نبدأ نضيف في الفرينة مع 2كيس خميرة الحلوى

نخلط الفرينة مليح ونلمها ونقسمها الى اثنين نصف نخليه ابيض والنصف الاخر نزيدلو 2م ك كاكاو وندمجو مليح في العجينة ونشكلو 2حربوش

نجيب الكرة الاولى نحطها فوق ورق الطبخ ونحلها باستعمال الحلال ثم نحل الكرة البنية بنفس الطريقة

نحط الكرة البنية فوق البيضاء ونحلها مليح بالحلال لنتأكد انو لصقو الطبقات مع بعض

نطوي العجينة الى 3كما في الصورة ثم نجيب الحلال ونحط ورق طهي من فوق ونحاول نعطي العجينة العرض

بنفس الطريقة نكمل 2كرات المتبقية ونجيب سينو فرن نحط فيها العجينة الاولى وندخلها الفرن يكون ساخن من قبل تطيب اي تستوي من تحت حتى تنشف ونشعل عليها من فوق تتحمر ثم نجيب ملاعق من العسل ونطلي الحلوى من فوق وهيا سخونة ثم نقطع الحواف تاع الحلوى ونبرشهم ونحطهم من فوق للتزيين

فالاخير نقطع الحلوى الى مربعات ونقدمها مع قهوة العصر او فطور الصباح جات بزاف خفيفة وبنينة