نبدأ بسم الله ونجيب ربع صدر دجاج نرحيه ثم نجيب طاجين متربي نحط فيه ما ك زيت ونحطو على النار ونضيف نصف حبة بصل مرحية مع سنات ثوم مرحيين ونحطهم على النار تتقلى حتى تذبل مليح

نحط بعد ذلك ربع صدر دجاج على البصل ونقليه مليح ثم نحط ما ك طماطم مصبرة ونحلها مليح

ثم نضيف 2حبات طماطم مرحية ونقلي مليح ونحط ملح وفلفل اسود وعكري حلو وتابل دجاج ونقلي الكل مليح ثم نجيب حبة باذنجان نقشرها ونقطعها مربعات صغار

نحطو في وعاء واسع ونضيف عليه الماء وم ك خل ونخليه على جنب ثم نمرق الصلصة بالماء ونخليها تطيب اي تستوي

نغطي الطاجين ونخلي اللحم يطيب مليح ثم نقطع حبة بطاطا الى مربعات ونحطها في كسكاس هيا والباذنجان يفورو على حمام مائي حتى يطيبو نحط عليهم رشة ملح

بعد ذلك نضيف كمية من المعدنوس اوراق اوريجانو حافة مطحونة وزيتون اخضر شرائح وبعد ماطابت البطاطا والباذنجان نضبفهم مباشرة على الصلصة فالطاجين ونخليهم يتشربو هذاك المرق

فالاخير نحط كمية. من الجبنة والجبن المبشور ومعدنوس مقطع وزيتون اخضر ونطفي النار ونخلي الجبن يذوب تماماوبقدم ساخن

شكلو النهائي جاء بزاف بنين دون قليان البطاطا والباذنجان