نبدا بسم الله ونجيب ربع صدر دجاج نرحيه ونحط عليه م ص ملح وم ص تابل دجاج وم ص راس الحانوت وسنات ثوم مرحيين ثم نحط جبن مبشور وم ك فريكة ناعمة ونلم اللحم مليح

نشكل كرات كفتة ثم نرمدهم فالفرينة ونخليهم على جنب ثم نجيب كسرونة واسعة نحط فيها م ك زبدة نوجد نصف كاس رز نغسلو مليح

ثم نوجد نصف كاس شعيرية ونذوب الزبدة ثم نضيف الشعيرية تتحمص مليح

نضيف الأرز عليها ونخليه يتشرب الزبدة مليح ثم نحط 2كاس ماء يغلي ونحط ملح وم ص تابل الأرز ونخليه يطيب

بعد طاب نصفيه ونخليه في كسكاس ونرجع لحبات الدجاج بعد مارمدتهم فالفرينة نحط 2م ك زبدة ونخليهم يذوبو ثم نحط نقلي حبات الكفتة حتى تتحمر من كل الجوانب ثم نرجعهم على جنب ونضيف كمية قليلة من البصل مرحي على جنب

نضيف عالبصل رشة ملح ورشة فلفل اسود ورشة راس الحانوت ثم نقليها مليح ونخلطها مع الكرات ونحط حوالي كاس ماء ساخن ونغطي ونخليه الكرات تكمل طياب بعد ذلك نحط كمية مليحة من الجبن المبشور ونغطيه ونخليه يذوب تماما

ثم نحط كزبرة مقصوصة ونطفي النار احسن التقديم ثم نجيب مول نحط فيه الأرز ونحط مول صغير فالوسط ثم نقلبو في صحن التقديم ونحاول نشكلو مول عجيب

نحط كمية من المرق فالوسط ثم نحط حبات الكفتة المقلية ونحط كمية الصوص ثم نحط كمية لاصوص على حواف الأرز كما فالصورة

فالاخير نقدم الطبق تاعي تقديم راقي جاء بزاف بنين