نبدا بسم الله ونجيب ريسبسيون نحط فيه كاس حليب دافئ مع م ك سكر وم ك خميرة الخبز ونخلط ثم نضيف ربع كاس زيت ونخلط مليح وبياض بيضة نخلط مليح ونحط فالاول كاس الا ربع فرينة نخلطها مليح

نخلط مليح ونغطي ونخليها تختمر مدة 10د بعد مرور 10د نبدا نضيف فالفرينة وم ص ملح

نبدا نلم العجين ونضيف م ص خميرة الحلويات ونلمها حتى نتحصل على عجينة طرية ندلكها حوالي 10د ونغطيها بورق شفاف ونخليها تختمر

بعد ما اختمرت نهبطلها الخمور ونحطها على طاولة العمل ونشكلها كرة نرش سطح العمل بالفرينة ونحلها بالحلال رقيقة

نجيب جرارة ونقص الى 2ثم 4 ثم الى 8 ثم حتى نتحصل على 16 مثلث

نبدا نحل كل مثلث ونعمل شق بالقاطعة حوالي 2سم ونلوي حتى نتحصل على شكل حبة كرواسون نكمل بنفس الطريقة ونجيب ورق طهي ونحط حبات الكرواسون

نخليهم يخمرو مرا أخرى ثم نجيب صفار البيضة ونضيفلو القليل من الحليب وندهن الحبات تاعي ثم نرش عليهم سينوج اسود ونكون سخنت الفرن من قبل و ندخلهم يطيبو

بعد ماطابو نخرجهم ونخليهم يبدو تماما لوقت نحشيهم نجيب نصف صدر دجاج نقطعو الى قطع صغيرة

نحط عليه فلفل اسود وملح وتابل دجاج ونجيب مقلاة نحط فيها قليل من الزيت ونقليه ثم نضيف عليه م ص موطارد وم ص راس الحانوت ونقليه مليح ثم نوجد اوراق سلطة واعواد فيها زيتون وجبن قطع

فالاخير نحل حبة الكرواسون ونحط فالاول جبن طري ثم قطع الدجاج المقلي ثم اوراق السلطة كما يمكن إضافة دوائر من الطماطم ونغلق الحبات

الشكل النهائي لحبات الكرواسون نقدمهم مع حساء خضار