نبدا بسم الله ونجيب ريسبسيون نحط فيها 3كاس فرينة ونحط فالوسط م ك سكر وم ك خميرة الخبز ونخلط ونضيف عليهم كاس حليب دافئ ونبدا نلم العجين

نضيف عليهم حبة بيض وربع كاس زيت ونلم العجينة تاعي ونضيف م ص ملح ونلم حتى نتحصل على عجينة طرية انا زدت ضفت القليل من الفرينة ولميت العجينة

نعجنها مليح ونقطعها الى. 15 قطعة صغيرة ثم نشكلهم كرات

نجيب سينية فرن نحط فيها ورق طهي ونحط الكرات كما فالصورة ونغطي عليهم ونخليهم يختمرو حوالي 40د ونوجد الحشو تاعي نجيب نصف صدر دجاج نرحيه

نجيب مقلاة نحط فيها م ك زيت ونحط البصلة المرحية تتقلى مليح مع م ص ملح ثم نحط عليها نصف صدر دجاج ونقلي مليح ونحط القليل من الماء

نضيف عليهم م ص فلفل اسود وم ص كاري دجاج ونخلط مليح و نخليهم يطيبو مليح

بعد مافاتت 40د وختمرت الفطيرة نجيب حبة بيض او صغار بيضة ونطلي الفطيرة ونرش عليها جلجلان ابيض او سينوج ونشعل الفرن مسبقا يسخن وندخلها تطيب من تحت ثم نشعل لها من فوق تتحمر

بعد ماطابت الهمبوغر نخرجها ونخليها تبرد ثم نحطها فوق طاولة العمل ونجيب سكين منشاري ونقصها على نصفين كما فالصورة

نجيب جبن طري يفضل جبن شرائح انا ماكانش متوفر عندي عوضتو بجبن طري وحطيتو على كامل الحبات ثم نجيب الحشو تاعي بعد ماطاب ونضيفلو 2م ك مايونيز ونخلطهم مليح ثم نحط كمية اللحم فوق الجبن

نحط بعد ذلك كمية مليحة من الجبن المبشور ونعاود نغلق الفطيرة تاعي وندخلها الفرن حتى يذوب الجبن ونخرجها مباشرة ونقدمها في صحن التقديم مع حساء الخضار جات بزاف بنينة