نبدا بسم الله ونحضر الشاربات فالاول نجيب كسرونة نحط فيها كاس سكر و2كاس ماء ونخلط و نحطهم عالنار كي يغلي نحسب 2 ونطفي النار و نخليها تبرد

نجيب ريسبسيون نحط فيه 2بيض مع رشة ملح ونصف كاس سكر ونخلط بالباتور مليح

ثم نضيف نصف كاس حليب دافئ ونخلط ثم نصف كاس زيت على شكل خيط ونخلط مليح

ثم نضيف م ك نسكافي وشاربات تاعنا بدات تغلي

نخلط مليح ثم نحط 2م ك كاكاو بني نغربلو ونخلط ثم نجيب كاس سميد متوسط

نضيف السميد عالخليط السائل ونخلط مليح

ثم نضيف نصف كاس فرينة وكيس خميرة الحلوى. ونخلط مليح وبعد ماخلطتها مليح نضيفلها 4م ك حليب ونعاود نخلط

نجيب سينة فرن ندهنها بالفرينة نرشها بالفرينة او بالسميد ونفرغ الخليط تاعي ثم نكون سخنت الفرن وندخلها تطيب من تحت حتى يتحمرو الجوانب ونشعل عليها من فوق ثم نخرجها من الفرن

نجيب الشاربات تاعي نضيفلها كمية من القهوة طايبة النكهة ثم نشرب بيها البسبوسة تاعي ونخليها تتشرب مليح

بعد ذلك نحضر الكريمة نحط كاس حليب وم ك سكر و م ك فرينة ونخلط ونحط م ك كاكاو بني ونخلط بارد في بارد ثم نحطها عالنار كي تبدا تغلي نضيف عليها 100غ شكولا بالحليب او نقدر نحط 50 غ بالحليب و50 غ سوداء ونطفي عليها النار

نضيف م ص زبدة وم ك شكولا الطلي ونخلط مليح ثم نفرغ مباشرة الكريمة عالبسبوسة

نسمي الخليط مليح ونزينها بكاوكاو محمص ومرحي ونخليها حوالي ساعة او اكثر ثم نقسمها ونقدمها مع قهوة

شكلها بعد ماقطعتها