نبدا بسم الله ونحضر المكونات ونقطع حبات البطاطا الى مربعات صغيرة ثم نقليها فالزيت ونحطها في صحن علىى جنب

نقص كمية الزيت ونقلي كذلك الفلفل الحلو المقطع رقيق ثم نحط معاه فلفل حار مقطع نصف الحبة فقط ونقليهم ثم نحط حبة بصل مرحية على جنب حتى تذبل مليح ثم نخلطها مع الفلفل ونقلي الكل على جنب حتى يطيبو مليح

ثم نحط 2حبات طماطم نكون رحيتهم فالاشوار ونضيفهم يتقلاو ونحط م ص طماطم مصبرة وملح وفلفل اسود وعكري حلو ونقلي مليح ونمرق بكاس ماء ونخليهم يطيبو مليح ثم نضيف البطاطا المقلية عليهم ونخليها تتشرب معظم المرق ثم نجيب مول يدخل الفرن وندهنو بالزبدة ونفرغ خليط الڨراتان ونسويه مليح ونجيب علبة تونة ذوق طماطم او زيت ونفرغها من فوق ثم نحط جبن طري

بعد ذلك نجيب حبة بيض نضيفلها 2م ك حليب ونخلطها مليح ونفرغها مباشرة عالڨراتان ثم نحط كمية من الجبن المبشور ونشعل الفرن يسخن وندخل الڨراتان يطيب البيض من تحت ثم نشعلو من فوق يتحمر ونخرجو

فالاخير شكل الڨراتان تاعي بنين وسهل التحضير