نبدا بسم الله ونجيب نصف صدر دجاج نرحيه ونضيف عليه القليل من البصل و2سنات ثوم مرحيين ثم نجيب طنجرة نحط فيها قطعة دجاج وبصلة وسنات ثوم مرحيين ثم نضيف عليها ملح وفلفل اسود وتابل دجاج وم ك زيت ونحطها تتقلى على نار هادئة

نجيب كمية من الجلبانة نغسلها مليح ونضيفها للمرق ونقليها مليح

بعد ذلك نجيب 2حبات قرنون حسب أفراد العائلة نقشرهم ونقيهم مليح

بعد ذلك نضيف نفس التوابل على اللحم المرحي ونحط حبة بيض ونخلط ونحط 2م ك فريكة ناعمة ونخلط مليح ثم نطلي حبات القرنون الليمون حتى تحافظ على لونها ثم نحط كمية من اللحم في كلا الحبتين

نغلق حبات القرنون مع بعض كنا فالصورة ونربطهم مليح بخيط و نحطهم مباشرة فالمرق ونرجع نشكل كرات كفتة من اللحم المتبقي ونضيفها كذلك عالمرق ونمرق ونغلق الطنجرة ونخليها تطيب مليح

بعد ذلك نفتحها ونحط حبو فلفل حار ونحي حبة القرنون من المرق ونخليها تبرد وننزعلها الخيط

نجيب كمية من الفرينة ونرمدها فيها حبة القرنون حتى تنشف من المرق مليح

نجيب حبة بيض صغيرة نخلطها ونحط فيها حبة القرنون ونخلطها

نهز حبة القرنون من البيض ونحطها مباشرة فالشابلير او الشوفان ونرمدها مليح ثم نقليها من كل الجوانب حتى تتحمر ونحطها تبرد فوق لوح تقطيع

بعد مابردت نقطعها كما فالصورة على نصفين او أربعة ثم نطفي والجلبانة وحبات الكفتة

نجيب صحن تقديم ونحط فيه كمية من الجلبانة والمرق وحبات من الكفتة ثم نحط انصاف القرنون المحشي في وسط الصحن

فالاخير نزين الطبق تاعي بشريحة ليمون وفلفل حار جاء بزاااااف بنين وشكل راقي نتمنا تجربوه