شاربات الليمون

Name: شاربات الليمون
Cuisine: جزائرية
Ingredients: 3 حبات ليمون; كاس سكر; علبة ياؤرت ذوق ليمون; 3 لتر ماء

المكوّنات

1

نبدا بسم الله ونجيب 3حبات ليمون وعلبة ياؤورت ذوق ليمون ونجيب اشوار ونغسلو حبة ليمون فالاول ونقطعها الى قطع صغيرة وننزع الخيوط البيضاء والنواة ونحط عليه ربع لتر ماء فالاول ونرحي فالاشوار مليح ثم نصفي العصير تاعي في ريسبسيون بصفاية
2

نرجع نعاود نرحي بقايا الليمون مرا ثانية مع ربع كاس ماء مليح ونعاود نصفيه ونضيفو العصير الاول ثم نجيب حبة ليمون الثانية نعصرها في عصارة اليد مليح نتحصل على عصير
3

نصفي عصير حبة الليمون ونضيفو عالعصير الاول ثم نضيف كاس سكر وعلبة ياؤورت ذوق ليمون ونضيف باقي الماء ونجيب برا ميسكار ونخلط مليح حتى يذوب السكر تماما ثم نقطع حبة الليمون الثالثة الى شرائح ونضيفهم الى الشاربات ونحطها تبرد تماما
4

فالاخير نقدم الشاربات في كؤوس التقديم