نبدأ بسم الله ونجيب ريسبسيون نحط فيها حبة بيض مع رشة ملح وربع كاس سكر ونخلط مليح ثم نضيف أقل من ربع كاس زيت ونواصل الخلط ونحط ما ك عطر الكراميل ونخلط جيداً

بعد ماخلطت مليح نضيف ربع كاس حليب دافئ ونخلط ثم نحط ما ك كاكاو بني

نضيف بعد ذلك كاس الا ربع دقيق ونصف كيس خميرة الحلوى ونخلط مليح ثم نضيف ما ك شوكولاته الطلي لتعزيز اللون والذوق ونخلط مليح ثم نجيب المول لي عامل ضجة كبيرة في مواقع التواصل 10/35ندهنو بالزبدة ونرشو بالفرينة

نفرع الخليط تاعي في المول ونىش عليه من فوق القليل من الكاوكاو المحمص المرحي اختياري ونشعل الفرن يسخن وندخلو طيب من تحت ثم نشعلو من فوق

بعد ذلك نخرج الكيك تاعي ونشربو بنصف كاس قهوة

نرجع نحضر الكريمة في كسرونة نحط نصف كاس حليب مع ما ك سكر وم ك فرينة ونخلط بارد في بارد ونحطها فوق النار حتى تثقال ثم نضيفلها ما ص زبدة ونخلطها مليح ونفرغها في صحن ونغطيها بورق شفاف يلامس الكريمة وندخلها المجمد

نحضر بعد ذلك كريم شانتيه ونطلع نصف كاس شانتيه مع نصف كاس حليب بارد ونخفقهم مليح حتى يثقال ثم نضيف الكريمة تاعي بعد مانحيتها من المجمد ونخلط مليح مع كريم شانتيه

نرجع الكيك تاعي من الثلاجة ونحط كمية الكريمة من فوق ونسويها مليح بالسباتيلا ونرجع ندخلها الثلاجة تبرد تماما ثم نحضر الديكوجال نحط في كسرونة نصف كاس سكر ونحطو على نار هادئة حتى تذوب تماما ثم نضيف نصف كاس ماء نحط فيه ما ص نشاء ونخلطها مليح ونضيفها عالكرميل ونتحصل على ديكوجال صنع منزلي ذوق الكراميل نخليه يبرد

نصب الديكوجال على الكيك تاعي وندخلها تبرد ثم نخرجها ونقطعها الى مستطيلات ونشكل روزاسات من فوق ونقطع الباتسري تاعي

فالاخير نقدم طرونش الباتسري مع عصير او مع قهوة العصر