نبدا بسم الله ونجيب ريسبسيون نحط فيها كاس حليب دافئ ونحط نصف كاس زيت ونخلط مليح ثم نضيف م ص ملح وبياض حبة بيض ونخلط مليح ونبدا نضيف فالفرينة مع كيس خميرة الحلوى ونلم العجينة انا اخذت معي 3كاس فرينة

نلم العجينة مليح ثم نقطغها الى 4كرات ونغطيهم بورق شفاف ونخليهم يرتاحو

نبدا نرش طاولة العمل بالفرينة ونحل الكرة الاولى ثم الكرة الثانية ونجيب 2م ك زبدة ذايبة

ندهن الكرة الاولى بالزبدة ثم نحط فوقها الكرة الثانية ونطويها على 2 كما فالصورة وندهن من فوق بالزبدة

نغلق العجينة كما فالصورة ونغطيها بورق شفاف وندخلها المجمد حوالي نصف ساعة ثم نحل الكرة 3و4 بنفس الطريقة ونحطهم فالمجمد

بعد مرور نصف ساعة نخرجها من المجمد ونحل الكرة الاولى و الثانية فوق طاولة العمل

نحط العجينة بعد ماحليتها بالحلال فالسينية ونثقبها بالسكين او شوكة ثم نحط كمية من صلصة طماطم صنع منزلي ونحطها على كامل العجينة ثم نحط زيتون اخضر شرائح وجبن طري

بعد ذلك نحط كمية مليحة من جبن مبشور ثم نحل الكرة 3و4 بنفس الطريقة ونحطهم من فوق ونغلق مليح كل الحواف

ندهن سطح العجينة بصفار البيض بعد ماقطعتها بالسكين ونزينها بزيتون اسود ونكون شعلت الفرن يسخن من قبل ندخلها تطيب مليح من تحت ثم نشعل عليها من فوق تتحمر مليح

فالاخير نقطع حبات الكوكا الى مربعات ونقدمهم في صحن التقديم