نبدا بسم الله ونجيب نصف صدر دجاج مرحي نضيفلو م ص ملح ومعدنوس مقطع وزنجبيل وتابل دجاج وم ك بصلة وثوم مرحيين ثم نضيفلو حبة بيض 2 م ك شابلير ونجيب طنجرة نحط فيه قطعة دجاج ونضيف ملح وبصلة مرحية مع ثوم ونحط م ك زيت ومعدنوس مقطع ونفس التوابل لي شفتهم الدجاج

نخلط الدجاج مليح ونقص كمية منه ناكلها كرات ثم نضيف زيتون شرائح الكمية المتبقية

نمرق الطنجرة بالقليل من الماء ونقلي مليح ثم نمرق بالماء ونغلق ونخليها تطيب ثم نجيب حبة البطاطا نقطعها الى قطع صغيرة

نقلي البطاطا فالزيت ثم نجيب صحن واسع نحط فيه اللحم مع 2م ك من الجبن الطري وكمية من الجبن المبشور

نضيف 2حبات بيض وم ص خميرة الحلوى ونخلط الكل مع بعض ونضيف حوالي ربع كاس حليب او كريمة سائلة ونخلط الكل حتى نتحصل على خليط سائل نجيب مول كايك نحط فيه ورق طهي ندهنو بالقليل من الزبدة ونفرغ نصف خليط الدجاج ثم نحط جبن طري كما فالصورة او جبن شرائح اذا توفر

نفرغ الكمية المتبقية من الخليط ونسويه مليح وندخلو يطيب في فرن مسخن مسبقا ثم نرجع نفتح عالمرق ونخليه يكمل طياب حتى نتحصل على مرق ثقيل

نخرج الكيك تاعي من الفرن ونحيه من المول بعد ماتحمر حتى من فوق ونخرجو ونخليه يبرد ونحطو في صحن التقديم بعد ماقلبتو ونطفي عالمرق بعد ماثقال

نجيب سكين منشاري نقص الكيك تاعي ثم نزينو فالاول بجبن مبشور ثم معدنوس مقطع ونحط المرق تاع الحمص وكرات الكفتة على جنبي الصحن

فالاخير شكل الطبق تاعي جاء بزاف بنين وراقي يصلح يتقدم كطبق رمضاني