ميني سوندويتشات
إفتح في تطبيق كوكبادالخطوات
- 1
نبدأ بسم الله ونحضر العجينة نجيب ريسبسيون نحط فيها نصف كاس حليب دافئ ونصف كاس ماء دافئ ونضيف عليهم ما ك سكر وم ك خميرة الخبز ونخلط ونضيف كاس فرينة نخلط مليح ونغطيها ونخليها تختمر مدة 5 دقائق
- 2
بعد ما اختمرت نحط بياض بيضة و3م ك زيت ونخلط مليح ثم نكمل 2كاس فرينة وم ص ملح ونخلط ونلم العجينة
- 3
بعد مالميت العجين نحطو في طاولة العمل ونضيف 2م ك زبدة وندخلها مليح فالعجين ونشكلها كرة
- 4
نغطيها ونخليها تختمر ونرجع نحضر الحشو نجيب نصف صدر دجاج نقطعو مربعات صغار نضيف عليه الملح وتوابل الشاورما والفلفل الاسود والزنجبيل والكركم وتابل دجاج وم ص طماطم
- 5
نخلط الكل مليح مع لحم ونحط سنة ثوم مراييا ونضيف ما ك خل ابيض ونخليها على جنب نرجع العجين نهبطلو الخمور
- 6
نرش طاولة العمل بالفرينة ونحط العجينة ونحلها بالحلال ونقطعها دوائر بلي طابع عندك دائري حتى نكمل كامل العجينة نحط القطع فوق ورق طبخ في سينة فرن ثم نجيب زبدة ذايبة وندهن الحبات بالفرشاة قليلا بالزبدة
- 7
نطوي الحبات كما في الصورة ثم نجيب صغار بيضة نضيفلو قليل من القهوة ونطلي الحبات تاعي ثم نزينهم بزيتون شرائح وسينوج من فوق ونسخن الفرن ونحط حبات السلندويتشات يطيبو من تحت ومن بعد نشعللهم من فوق
- 8
نخرج الحبات من الفرن ونرجع نطيب الحشو نجيب مقلاة نحط فيها ما ك زبدة وم ك زيت ونحط الدجاج تاعي يطيب على نار متوسطة كي يطيب الدجاج نحط فوقو كمية من الجبن المبشور ونغطي ونخلي الجبن يذوب
- 9
بعد ماذاب الجبن نطفي النار عليه ونرجع لحبات الميني سوندويتشات
- 10
قبل مانعمر السلندويتشات نجيب اوراق سلطة نقصها رقيقة ثم نبرش حبة جزر ونخلطهم مع بعض ونلمهم بالقليل من المايونيز ونرجع نفتح حبة سوندويتش ونحط كمية من السلطة ونحط الدجاج
- 11
نكمل كامل الحبات ونزينهم بجبن مبشور ومعدنوس مقطع رقيق
- 12
الشكل النهائي لمملحات تاعي جاو بزاف خفاف ويصلحو الشهر الفضيل
الكوكسناب
وصفات مشابهة
وصفات ننصحك بمشاهدتها
التعليقات