نبدأ بسم الله ونجيب كسرونة نحط فيها كاس حليب وم ك سكر وبرسبسيون اخرة نحط فيها حبة بيض ونصف ما ك سكر ونخلط ونحط الحليب يدفى ثم نخلط حبة البيض مع سكر مليح ونضيف ما ك نشاء

نخلط النساء مليح ثم نضيف الحليب تدريجيا ونحط ما ك فانيلا ونخلط الكل مليح ونرجعو فالكسرونة ونحطو على النار مع التحريك المستمر حتى تثقال نحطها على جنب

نضيفلها ما ك زبدة ونخلط مليح ثم نضيف 2م ك شوكولاته الطلي ونخلط بالفوي مليح

نفرغ الخليط في صحن ونغطيه بورق شفاف ملامس ليه وندخلها المجمد ونجيب ريسبسيون نحط فيه كاس شانتيه

نضيف كاس حليب بارد عالشانتي ونخفقها مليح حتى تطلع ثم نخرج خليط الكريمة من المجمد

نخلط الكريمة بالخلاط ثم نضيفها مباشرة على كريم شانتيه ونخلط الكل جيداً حتى نتحصل على كريمة خفيفة

نجيب فيرين شكل قلب نحط طبقة اولى من الكريمة ثم نجيب اي نوع بسكويت نشمخو فالقهوة او الحليب ونحطو فوق الكريمة

بعد ذلك نقس حبة الموز الى شرائح رقيقة ونحطهم من فوق ثم نحط طبقة اخرى من الكريمة ثم طبقة اخرى من البسكويت

نحط بعد ذلك طبقة اخرى من الموز وطريقة أخيرة من الكريمة ونسويها مليح

نجيب كسرونة نحط فيها علبة شوكولاته بالحليب نذوبها مع ما ك زيت حتى تذوب ونحط طبقة فوق الكريمة