بسبوسة نوات تع كوكو الشهية 🇩🇿🌸🇩🇿🌸🇩🇿
بسبوسة رائعة و بنينة تشهي
إفتح في تطبيق كوكبادالخطوات
- 1
نجيبوا إناء أو صينية ونحطوا فيه البيضات و الياوورت و معاهم الفاني
- 2
ونهزوا كأس الياوورت ونهزوا كأس ياوورت و نكيلوا ببه كأس سكر و نحطوا و معاهم أي مع البيض و الياوورت و نخلطهم مليح مع بعضاهم.
- 3
و من بعد بنفس كأس الياوورت نكيلوا بيه زيت و نضيفوه للخليط و نزيدوا نخلطوا مليح حتى يتجانس..
- 4
ونزيدلهم كأس تاع نواد كوكو و ثلاث كيسان تاع الحرشة و ساشي صغير تاع لخميرة الكميائية و نخلطوهم ثاني حتى تتجانس المحتويات كامل ،
- 5
نجيبوا المول تاعنا و ندهنوه بالزبدة و نرشوه بالسميد و نحلطوه فالفور على درجة حرارة 180° مدة 30 دقيقة
- 6
من جهة اخرى رانا نوجدوا السيروا تاع التشراب ، بحيث نجبوا الماء في اناء و مع السكر و نحطوه على نار هادية مدة 15 دقيقة فقط قدار مايتحلل السكر فالماء دون ما يتكرمل ،
- 7
نخرجوا البسبوسة تاعنا من الفرن و هي سخونة نشربوها بالشوية بالسيروا تاعنا اللي يكون برد ، والملاخظة اللي حبيت نقولهالكم خي انكم ماتشربوهاش على دفعة وحدة ، بل نشربوها شوية و منين تشرب نعاودوها و نخلوها ترتاح من 3 الى 4 ساعات و نقسموها مربعات حسب الطلب و بالصحة و الشفا اعليكم 🌸🌸 🇩🇿🇩🇿
Keywords
وصفات مشابهة
وصفات ننصحك بمشاهدتها
التعليقات