نيدابسم الله ونجيب طنجرة نحط فيها قطعة دجاج نضيف عليها بصلة مرحية مع الثوم ونحط زيت ومعدنوس مقطع وملح وزنجبيل وفلفل اسود وعكري حلو وتابل دجاج ثم نجيب ربع صدر دجاج نرحيه فالاشوار ونضيف عليه معدنوس وملح ونفس التوابل تاع المرق وسنات ثوم مرحيين ونحط الطنجرة عالنار تتقلى مليح

نضيف م ك شابلير عالدجاج المرحي ونخلطو مليح بعد ماقليت مليح نحط كمية الجلبانة و نخليها تتقلى على نار هادئة

نشكل اللحم المرحي الى كرات كفتة ونضيفهم مباشرة فالطنجرة ونقلي ثم نمرق بالماء

نمرق الطنجرة ونغلق ونخلي الجلبانة والدجاج يطيبو ثم نفتح بعد ماطابو ونضيف حبة فلفل حار ونخلي المرق يثقال ونطفي النار

فالاخير نجيب صحن التقديم ونحط جواز الجلبانة والكفتة ونحط قطعة الدجاج وجبة الفلفل الحار ونقدمو كوجبة غداء او عشاء مع كسرة خميرة