ملوخية
للغداء تقدم جنب رز بشعيرية
إفتح في تطبيق كوكبادالخطوات
- 1
بحط سمنة بالطنجرة وبخليها لتسخن، وبنزل المطيبات: عود قرفة، هيل، قرنفل، لومي، بصلة صغيرة، ورق غار وإذا توفّر جزرة صغيرة منقلّبن شوي مع السمنة، بعدين بنزل صدر الجاج المغسول بالخل والملح وبقلّبه لياخد لون. بس تطلع الزفرة بشيلها. صدر الجاج ما بيحتاج وقت طويل ليستوي.
- 2
بهالوقت بكون نقّيت الملوخية وغسلتها وعصرتها. استخدمت الملوخية اليابسة من ماركة "بلدنا" للمقيمين خارج سوريا، لقيتها نظيفة وسهلة بالتحضير.
بعد ما أعصر الملوخية، بجيب طنجرة كبيرة وبحط فيها سمنة، وبنزل الملوخية تدريجياً كل كمشة لحال مع الثوم
- 3
وبقلبها بالسمنة لتاخد نكهة طيبة بضل أقلّب الملوخية بالسمنة بنفس الطريقةكمشة كمشة لحد ما تخلص الكمية بعدين باخد شوي من مي سلق الجاج وبضيفها فوق الملوخيةوبتركها لتغلي وتستوي مع مرق الجاج
بطلع صدر الجاج بعد ما يستوي وبقطّعه قطع صغيرة وبضيفه فوق الملوخية بعد ما تكون غليت منيح. بضيف ملح فقط حسب الذوق وبتركها تغلي شوي مع الجاج ليصير الطعم متجانس
- 4
بعدين على جنب بجهز تقلية الملوخية بجيب مقلاة وبحط فيها سمنة بكون فارمة ضمة كزبرة (يفضل فرم خشن شوي ليعطي نكهة أوضح) مغسولة ومصفّاية وبجهز توم مقشّر
بضيف لمعلقة كبيرة من دبس الفليفلة على السمنة وبعدها بنزل الثوم وبخليهم يتقلوا مع بعض شوي وآخر شي بنضيف الكزبرة ما بتحتاج تقلاية طويلة بس شوية تقليب لتاخد لون وتندمج مع دبس الفليفلة
بضيف هالتقلية الطيبة فوق الملوخية، وبخلطهم مع بعض وهيك بتكون الملوخية صارت جاهزة للتقديم جربوها وإن شاء الله تعجبكم!
- 5
في طنجرة منحط سمنة أو زيت ومنقلب الشعيرية لحتى تصير شقرا منضيف كوب الرز بعد ما نغسله ومنقلبه شوي مع الشعيرية
منضيف كوب ونص مي ومنرش ملح فلفل أسود وبهارات الرز (حسب الذوق)
منترك المي تغلي وبعدين نوطي النار عالأهدى شي ومنغطي الطنجرة لحتى تنشف المي ويستوي الرز تماماً
كلمات ذات صلة
وصفات مشابهة
وصفات ننصحك بمشاهدتها
التعليقات