إفتح في تطبيق كوكبادالخطوات
- 1
اول شي منشغل الفرن على حرارة 180 فوق وتحت بعدين منعمل القطر منحط كاسة المي والسكر ومنشغل عليهن النار ومنحرك تحريكة بسيطة ومنترك القطر يتماسك بس يتماسك منحط شريحة ليمون منغطي عليه بس شوي وبس الغطا يعرق او يصير عليه متل المي فورا منشيل الغطا ومامنخلي ينزل مي من الغطا على القطر لحتى القطر مايسكر معكن وبنصحكن تحطو معلقة سمنة صغيرة اخر شي عليه كتير بيعطي طعمة طيبة بعد ماشغلنا الفرن وعملنا القطر هلأ منبلش بالبسبوسة
- 2
منجيب زبدية منفقس البيض لازم يكون هو واللبن بحرارة المطبخ بعد مافقسنا البيض منحط كاسة لبن بعدين كاسة سكر وزيت وظرف الفانيليا ومنخفقهن كتير منيح منجيب زبدية تانية منحط فيها نواشف يلي هنن السميد والطحين والبيكنغ باودر وجوز الهند والطحين يفضل تنخلوه بعدين منصير نزل شوي شوي من الخليط الناشف على الخليط السائل بالمعلقة وكل ماحطينا معلقة من النواشف على السوائل منحرك لحتى مايصير تكتلات
- 3
بعدين منجيب ايا صينية متوفرة عندكن او بايركس مندهنو منيح بالسمنة ومنزل عليه الخليط ومنحطو بالفرن ع رف الوسطاني بتاخد ٤٠ دقيقة حسب كل حدا والفرن يلي عندو ولاتفتحو الفرن ابداً لبعد ٤٠ دقيقة خليكن عم تراقبوها من برا الفرن بعد ماتاخد لون الدهبي الحلو منطلعها من الفرن وفوراً مننزل عليها بالقطر البارد وهية سخنة لحتى تتشرب القطر مزبوط فيكن تزينوها بجوز الهند وصحتين والف هنا جربوها ودعولي بتشهي مع فنجان القهوة 😋🤩😍
وصفات مشابهة
وصفات ننصحك بمشاهدتها
التعليقات