فطاير 😋
فطور لذيذ بعجينة العشر دقائق
إفتح في تطبيق كوكبادالخطوات
- 1
اول شي واول خطوة هية تشغيل الفرن على اعلى حرارة فوق وتحت بعدين منجيب زبدية منحط فيها كاسة المي وكاسة الحليب ومنضيف عليهن ظرف الخميرة ومعلقة السكر ومنجيب زبدية تانية منضيف عليها الطحين ومنحط على الطحين رشة ملح ومنخلط الطحين مع الملح بعدين منجيب الخليط السائل ومنضيفو فوق الخليط الجاف ومنبلش نعجن لتتشكل عندي عجينة ومنحطلها قدر معلقة زيت نبااتي للتنعيم فقط ومنتركها ترتاح بهالاثناء منكون عملنا الحشوات😋
- 2
مرتديلا برشتا بالبراشة وزعتر وزيت خلطتهن سوا
- 3
المحمرة منجيب مقلاية منحطها ع الغاز منزل عليها زيت زيتون كمية منيحة وبصلة مفرومة ناعم لتدبل البصلة منزل معلقة كبيرة ونص دبس فليفلة بعدين برش بندورتين بعدين منحط البهارات بالمعلقة لصغيرة وبنصها يعني نص المعلقة الصغيرة ملح وفلفل وكمون وكزبرة يابسة وازا توفر عندكن سمسم وحبة البركة انا ماكان عندي ف ماحطيت ومنتركها تغلي شوي ومنطفي
- 4
هيك منكون عملنا الحشوات وارتاحت العجينة منصير منشكل كرات من لعجين ومنبلش نشتغل فيهن يفضل تغطوهن لكرات العجين لحتى ماينشفو منجيب ايا صواني فرن متوفرة عندكن منحط عليها ورق زبدة ازا مو متوفر مندهن الصينية زيت لحتى مايلزق العجين بتعملوها بالشكل يلي بدكن ياه للعجينة انا عملت اكتر من شكل مسكر ومفتوح المفتوحين بعد مامديتن بالشوبك صفيتن بالصينية وخزقتهن بشوكة وحطيت فيهن حشوة المحمرة والزعتر واخر شي قبل ماتفوتو الصينية على الفرن دهنو العجين بالخليط يلي هو حليب وسكر ومنمرقن ع العجين بالفرشاية
- 5
بيعطي لون بجنن للفطاير بعدين على الفرن ومنضل منراقب الصواني لياخدو لون حلو وكمان غطو الفطاير بعد الخبز لحتى ماينشفو وكمان نصيحة وانتو عم تحطو الفطاير بالفرن لاتفتحو كتير يعني حطو صينية وفورا سكرو الفرن لحتى مايفقد حرارتو وصحتين والف هنا جربوها على طريقتي اكيد رح تعجبكن ياصبايا❤️😋👩🍳
كلمات ذات صلة
وصفات مشابهة
وصفات ننصحك بمشاهدتها
التعليقات