كاتو سادة 🍰🎂
اكلة حلو سهلة وسريعة لمناسباتكن او صبحيات مع فنجان قهوة 😋🎂
إفتح في تطبيق كوكبادالخطوات
- 1
اول شي منشغل الفرن على حرارة 180 فوق وتحت بعدين بالخلاط منحط البيض ولازم يكون البيض بحرارة الغرفة ومنزل مع البيض سكر والفانيليا والحليب والزيت ومنخطلهن بالخلاط منيح
- 2
بعدين منجيب زبدية مننخل فيها الطحين ومنحط النشا والملح والبيكنغ باودر منحركن مع بعض بعدين منضيف الخليط السائل على الخليط الجاف وماتبالغو بتحريك بس شي انو يتجانس القوام ويصير قوام كيك 😋
- 3
بعدين منجيب القالب مندهنو برشة طحين لحتى الكيك مايلزق ومنزل الخليط بالقالب وعلى الفرن المحمى مسبقاً بالرف الوسطاني بياخد 45 دقيقة 😋😋وصحتين والف هنا جربو كتير طيب وفيكن تزينوه ب يلي متوفر عندكن انا دهنتو بنوتيلا من برا وزينتو بزينة الكيك وبالاناناس رح يطلع بأرتفاع شاهق وطعمة رهيبة 🍰🍫🍍😋
كلمات ذات صلة
وصفات مشابهة
وصفات ننصحك بمشاهدتها
https://cookpad.wasmer.app/sy/%D9%88%D8%B5%D9%81%D8%A7%D8%AA/24686817
التعليقات