نبدا بسم الله ونجيب كمية اللوبية ماشطو نغسلها مليح ونحطها في كسكاس تفور ونحط عليها رشة ملح ورشة فلفل اسود ثم نجيب طنجرة نحط فيها 2اجنحة دجاج ونضيف عليهم بصل وثوم مرحيين

نضيف معدنوس مقطع وفلفل اسود وزنجبيل وعكري حار وحلو وتابل شاورما م ص ونحط م ك زيت ونحط الطنجرة عالنار نقلها مليح ثم نضيف م ك طماطم مصبرة وحبة طماطم مرحية ونقلي مليح ثم نمرق بالماء ونخلي المرق يطيب

بعد ذلك نقطع 4حبات بطاطا الى قطع صغيرة ونجيب مقلاة ونحط نقلها وفي نفس المقلاة نقص كمية الزيت ونخلي م ك زيت ونحط اللوبية ماشطو فالمقلاة نصوتيها مليح

بعد ذلك نفتح الطنجرة ونضيف مباشرة اللوبية ونخليها تكمل طياب ونحي اجنحة الدجاج بعد ماطابت

بعد ماقليت البطاطا نحطها في صحن ثم نفرغ مباشرة البطاطا على اللوبية ماشطو ونخليها تتشرب مليح المرق ثم نجيب مول زجاجي ندهنو بالزبدة ونفرغ خليط البطاطا واللوبيا ثم نحط اجنحة الدجاج بعد مادهنتهم بالزبدة وفلفل حار ثم نشعل الفرن يسخن وندخل الڨراتان يطيب ويتشرب كامل المرق ثم نشعل. من فوق يتحمرو الاجنحة

فالاخير نخرجو ونخليه يبرد ونقدمو مع كسرة خميرة جاء بزاف بنين نتمنا تجربوه