نبدا بسم الله ونجيب ريسبسيون واسعة نحط فيها علبة زبدة 250غ وبنفس العلبة نكمل باقي المكونات ونحط 2حبات بيض كاملة وصفار بيضة ونحتفظ بالبياض ثم نحط كيلة سكر ناعم ونخلط بالخلاط الكهربائي مليح ونحط نصف كيلو زيت ونواصل الخلط حتى تصبح كريمة

نضيف كيلو ونصف كاوكاو محمص ومرحي وكيلة جوز الهند ونخلط ونبدا نضيف فالفرينة بعلبة الزبدة نفسها اخذت معايا 3كيلات فرينة وكيس ونصف خميرة الحلوى

نخلط مليح حتى نتحصل على عجينة طرية نجيب مول يدخل الفرن 30/40ندهنو بالزيت ونحط العجينة تاعي ونخبزها مليح فالسينية

نسوي العجينة بالكوبات مليح ونجيب بياض البيض نخلطو قليلا بالشوكة وندهن كامل سطح العجينة ثم نفرغ عليه كمية من اللوز الايفيلي وكمية قليلة من الكاوكاو المحمص المرحي ونشعل الفرن يسخن مليح ثم نحط السينية يطيب المشوك من تحت حتى يتحمر من الجوانب ونشعلو من فوق يطيب ويتحمر اللوز ايفيلي

نخرج المشوك من الفرن ونشربو مباشرة بكيلة ونصف عسل بارد ونخليه يتشرب حوالي ساعة

نقطع صابلي الكيلة بالسكين ونزينو بكرز معلب

شكلو الاخير لصابلي المشوك فالسنيوة جاء بزاف هايل وخفيف