نبدأ بسم الله ونجيب كمية حسب أفراد العائلة من لحم غنمي ونضيف عليه كمية من الشحم كنت برشتها ثم نحط حبو بصل صغيرة بعد ماصفيتلها الماء تاعها ونحط سنات ثوم مرحيين ونضيف ملح وفلفل اسود وتابل اللحم وعكري حلو ونخلط الكل مليح

نجيب اسياخ خشبية نكون نقعتهم بالماء ليلة كاملة وفالغد نخدم بيهم نجيب 2اعواد ونحط كمية من اللحم ونشكلهم على شكل شيش كباب بالطول ونغلقهم مليح ونشكلهم باصبع اليد حتى نكمل كامل الكمية ثم نجيب طاجين المسمن ونحطو على النار وندهنو بشويا شحمة ونحط الشيش كباب يطيب ونحطو عالجنب الاخر الفلفل كنت كتبتهم فالوصفة السابقة ثم نرجع الماء البصل نضيفلو ما ك زيت وم ص طماطم مصبرة ونخلطو مليح ونبقا ندهن بيه شيش كباب من كل الجوانب حتى يتحمرو

فالاخير نجيب صحن التقديم ونحط الحميص والبطاطا المقلية على جنب ونحط اسياخ شيش كباب