نبدأ بسم الله ونجيب ريسبسيون نحط فيها 2م ك فرينة وم ك سكر وم ك خميرو الخبز وكاس حليب دافئ

نخلط مليح ونغطيهم مدة 10 دقيقة بورق شفاف يتفاعلو مليح

بعد مرور 10 دقيقة نضيف 2كاس فرينة و2م ك زيت وم ص ملح ونخلط مليح ونجمع الخليط حتى نتحصل على عجينة نحطها فوق سطح العمل ونضيفلها ما ك زبدة ونعجنها مليح

نلم العجينة تاعي ونرجعها الرسبسيون ونغطيها بورق شفاف تختمر ونرجع نوجد الحشو تاعي نجيب نصف صدر دجاج

نقطعو آلى شرائح ونجيب صحن نخلط فيه تتبيلة الدجاج نحط علبة ياغورت طبيعي مع ما ك موطارد (خردل) وفلفل اسود وزنجبيل وكركم وملح وتابل شاورما و2م ك زيت و2م ك خل ونخلط مليح

نضيف الدجاج فالماربناد تاعي مليح ونغطيه لورق شفاف وندخلو الثلاجة

نرجع نحضر باقي الحشو ونجيب كمية المن الخس وحبة طماطم نقطعها شرائح ونقطع الخير رقيق ثم نجيب صحن آخر نحط فيه علبة ياورؤت طبيعي وحبة جزر ن قطعها رقيق وكمية من الزيتون الاخضر مقطع قطع صغيرة وحبات من الذرة ومعدنوس مقطع ونخلطهم مليح ونضيفلهم ما ك جبنة طرية ونخلط الكل مليح ونحطها في الثلاجة

بعد ما اختمرت العجينة نحطها فوق سطح العمل ونقسمها الى كرات صغيرة وزن 50ع ونجيب صحن ونشكلهم كنا في الصورة

بعد ذلك نجيب صحن نحط فيه كمية من السميد الناعم ونرمد كل كرة شكلتها بالسميد ونحطها فوق ورق الطهي في صينية فرن حتى نكمل كامل العجينة ونغطيهم بطرشونة ونخليهم يختمرو مرة أخرى

نرجع الدجاج نجيب صحن نحط فيه كمية من الفرينة ونحط مقلاة بها زيت على النار يسخن ونخرج الدجاج من الثلاجة ونخرجو من التتبيلة ونرمدو في الفرينة مليح ونقليه مباشرة في زيت ساخن

بعد ماتحمر الدجاج تاعي نحطو في صحن ونرجع نشعل الفرن يسخن مليح وندخل ميني سوندويتش يطيبو من تحت ثم نشعل لهم من فوق يتحمرو

نرجع نحط دجاج كرسبي فوق لوحة تقطيع ونقطعو قطع صغيرة ونخرج الخبز تاعي بعد ماطاب ونخليه يبرد تماما

نجيب سكين منشاري ونقطع الخبيزات تاعي الى نصفين ونجيب الخليط لي حضرتو قبل ونحط ما ك منو في أسفل الخبز

ثم نحط كمية من الخس وشرائح طماطم ونحط كمية من دجاج كرسبي

نجيب جبن مثلثات ونقطعو قطع رقيقة ونحط. من فوق ونغلق الميني سوندويتش تاعي

فالاخير شكل الميني سوندويتش كريسبي جاو بزاف هايلين نقدمهم مع حساء خضار او حريرة