بنجهز الدجاج: نغسل الدجاج و بنشفه، و نتبلو بالملح و الفلفل الأسود(و ممكن تحطو ثوم بودرة أو بابريكا حسب ذوقكم)

بنقلي البصل و الدجاج: بمقلاية، نسخن الزبدة و بنقلي البصل لحى يذبل تماما

بنضيف الثوم، بعدين نضيف الدجاج و بنقليه لحتى يتحمر منيح و يستوي

بنضيف الكريمة و الجبنة: بنسكب كريمة الطبخ فوق الدجاج، و بنحركهم منيح

نضيف الجبنة المطبوخة(جبنة مثلثات)و بنحرك لحتى تذوب

بنضيف الجبنة المبشورة، و نترك الصوص ليغلي شوي لحتى يتكاثف قوامه

بعدين بنرش جوزة الطيب إذا بتحبو، و بنزينها بالبقدونس و هيك بيكون الطبق تبعنا جاهز😍

بتقدمو هذا الطبق مع أرز أبيض، أو معكرونة، أو بطاطا مهروسة

ملاحضات بتفيدكم: الجبنة المطبوخة بتعطي طراوة و طعم كريمي رائع، و إذا حبيتو أنكم تضيفو أنواع تانية من الجبنة فيكم تجربو

ممكن أنكم كمان تحطو شوية فطر مقطع مع الدجاج

إذا بدكم الطعم يكون غني أكثر، فيكم تزيدو رشة جبنة مبشورة على الوجه وقت التقديم

جربوه و شاركوني تعليقاتكم و لا تنسو تحطو لايك إذا عجبتكم الوصفة🥰❤️🫶🫶