كيك الفراولة بالكريمة
هاي الوصفة من ألطف و أخف الكيكات، مثالية للصيف، و للحفلات، و لأعياد الميلاد، أوحتى لأحتفال رومانسي صغير بالبيت.... طراوة الكيك مع كريمة ناعمة و طبقات فراولة فرش، شي عنجد بيطير العقل
كيك الفراولة بالكريمة
هاي الوصفة من ألطف و أخف الكيكات، مثالية للصيف، و للحفلات، و لأعياد الميلاد، أوحتى لأحتفال رومانسي صغير بالبيت.... طراوة الكيك مع كريمة ناعمة و طبقات فراولة فرش، شي عنجد بيطير العقل
إفتح في تطبيق كوكبادالخطوات
- 1
أول شي بنحضر الكيك الأسفنجي: بنسخن الفرن على درجة حرارة 180 درجة مئوية، و بنجهز القالب(بنحط فيه ورق الزبدة و بندهن الجوانب تبعوا بالزبدة)
- 2
بوعاء كبير، بنخفق البيض مع السكر، و الفانيليا بالمضرب الكهربائي على سرعة عالية لمدة 7–10 دقايق، لحتى يصير الخليط هيك رغوي و لونه فاتح و منتفخ
- 3
بوعاء ثاني، بننخل فيه الطحين، و النشاء، و البكينغ باودر، و رشة الملح، و بنضيفهم شوي شوي و عالمهلنا عالخليط، و بنحركهم بحركات كتير ناعمة من تحت لفوق
- 4
و بعدين بنسكب الخليط بالقالب، و بنطبخوا لمدة 30–35 دقيقة، أو لحتى يطلع السيخ نضيف لما نغرسوا بوسط الكيك
- 5
و بعدين لما نطالعها من الفرن بنتركها بالقالب لحتى تبرد تماما و كتير منيح، و بعدين بنحطوا بصحن و بعدين بنقطعو لطبقتين(أو ل 3 طبقات إذا طلع معكم عالي كتير)
- 6
و بعدين بنحضر كريمة الحشوة: بنخفق الكريمة الباردة مع السكر البودرة، و الفانيليا لحتى تتماسك منيح و تصير ناعمة بس متماسكة
- 7
و بعدين بندهن طبقة الكيك الأولى بشوية مربى الفراولة(إختيارية)، و بعدين بنفرد فوقها طبقة من لكريمة، و بعدين بنوزع عليها الفراولة المقطعة
- 8
و بعدين بنحط الطبقة الثانية من الكيك، و بنغطي الوجه و الجوانب بطبقة خفيفة من الكريمة(أو يمكن طبقة سميكة حسب ذوقكم و شو بتحبوا)
- 9
لطريقة التزيين: بنزين الوجه بالفراولة إذا بدكم حبة فراولة بتكون كاملة أو مقطعة عشكل وردة
- 10
فيكم كمان أنو ترشوا سكر بودرة عالوجه أو بتحطوا عليها أوراق نعناع
- 11
أو فيكم كمان أنوا ترسمو خطوط من مربى الفراولة يلي خففناه بشوية ماء دافي
- 12
نصائح بتفيدكم لتنجح وصفة الكيك و تطلع بتجنن: ضروري أنو الكيك يكون بارد تماما قبل ما تضيفوا عليه الكريمة
- 13
كريمة الخفق لازم أنو تكون باردة كتير منيح قبل ما تخفقوها
- 14
فيكم كمان أنو تجهزوا الكيكة قبل بيوم و بتحطوها بالبراد، و هيك بتصير أطيب بعد ما تتشرب كل النكهات كتير منيح
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات