كيك التوت الأحمر
هاذي الوصفة بدل أنو نحن دخلنا بعالم الأناقة و النكهات الحامضة الحلوة، هذا الكيك راقي، و لونه بيشهي، و نكهته منعشة خصوصي بفصل الصيف، أو لتقدموه بالمناسبات و الضيافات الراقية
كيك التوت الأحمر
هاذي الوصفة بدل أنو نحن دخلنا بعالم الأناقة و النكهات الحامضة الحلوة، هذا الكيك راقي، و لونه بيشهي، و نكهته منعشة خصوصي بفصل الصيف، أو لتقدموه بالمناسبات و الضيافات الراقية
إفتح في تطبيق كوكبادالخطوات
- 1
أول شي، بنسخن الفرن علدرجة حرارة 180 درجة مئوية و بنجهز القالب: بندهنوا بشوية زيت و بنرش عليه شوية طحين، أو بنحط فيه ورق الزبدة
- 2
بوعاء كبير، بننخل فيه الطحين، و البكينغ باودر، و رشة الملح، و بنتركهم عجنب
- 3
بوعاء ثاني، بنخفق البيض مع السكر، و الفانيليا بالخلاط الكهربائي لمدة 3 دقايق لحتى يصير لونه فاتح و قوامه رغوي
- 4
و بعدين بنضيف الزيت، و الحليب، و بنخلطهم شوي
- 5
و بعدين بنبلش نضيف عليهم المواد الجافة يلي نخلناهم من شوي تدريجيا، و بنقلبهم بحركات ناعمة من تحت لفوق لحتى يختفي كل الطحين تماما
- 6
و بعدين بنضيف التوت الأحمر(و في حال كان مجمد، لا تذوبوه ضيفوه مثل ما هو جامد)و بنقلب بلطافة لحتى يتوزع التوت الأحمر على كل الخليط
- 7
و بعدين بنسكب الخليط بالقالب، و بنفرد الوجه تبعوا شوي
- 8
بنطبخوا لمدة 35–40 دقيقة، أو حسب الفرن تبعكم، لحتى تطلع السكينة نضيفة لما بنجرب نغرسها بالكيك بالوسط
- 9
و بعد ما نطالعوا من الفرن، بنتركوا لحتى يبرد شوي جوا القالب، و بعدين بنقلبوا عالشبكة و بنتركوا لحتى يبرد تماما قبل ما نبلش نزينوا
- 10
أفكار للتزيين: كريم شانتيه+توت أحمر عالوجه+رشة سكر بودرة
- 11
أو بتقدرو أنو تحطوا طبقة خفيفة من مربى التوت الأحمر و تسقوها فيه عالوجه و خففو المربى تبعكم إذا كان سميك كتير بملعقة كبيرة ماء دافي
- 12
أو بتقدروا كمان أنو تقدموها مع صوص التوت الأحمر جانبي مثل ما بدكم و شو بتحبوا
- 13
نصائح لتنجح معكم الكيكة: إذا حسيتوا أنو حبات التوت رح ينزلوا لتحت لما تحطوهم جوا الخليط، مريروهم بشوية طحين قبل ما تحطوهم جوا الخليط
- 14
و فيكم كمان أنو تستخدموا مزيج من التوت البري، و الفراولة، و التوت الأسود، و التوت الأحمر حسب شو متوفر عندكم
- 15
و إذا بدكم طعمة أغنى، زيدو مبشور حبة ليمون، أو مبشور حبة برتقالة صغيرة مع المزيج بتجي واو و طعمتها خيال و كتير حلوة
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات