لتحضير الطبقة الأولى تبع الكيك: بوعاء كبير، نخفق فيه البيض مع السكر، و الفانيليا بالخلاط الكهربائي أو بالمضرب اليدوي الكهربائي بنخفقوا كتير منيح لحتى يصير لون الخليط فاتح و منفوخ

و بعدين ضيفولو الزيت، و الحليب و رجعوا أخفقوهم كتير منيح

و بعدين، ضيفوا الطحين المنخول، و البكينغ باودر، و رشة الملح، و القرفة إذا حبيتوا، و أخلطوهم مع بعضهم شوي شوي

و أخيرا، ضيفوا بسكويت اللوتس المطحون ناعم و حركوهم بلطف كتير منيح لحتى يتجانس كل الخليط و تدخل فيه كل كمية بسكويت اللوتس المطحون

و بعدين جهزوا القالب و أدهنوه بشوية زبدة أو حطوا فيه ورق الزبدة، و بعدن صبوا فيه كل الخليط

فوتوه للفرن يلي سخناها مسبقا عالدرجة حرارة 170°C و نطبخها لمدة 35–40 دقيقة أو لحتى تستوي كتير منيح و لما نغرس فيها السكينة بنص الكيك بتطلع نضيفة

لتحضير الطبقة الثانية كريمة اللوتس: بوعاء كبير، بنحط فيه كريمة الخفق الباردة و نخفقها كتير منيح لحد ما تصير قوامها كثيف

في وعاء ثاني، نخلط فيه الجبنة الكريمية مع زبدة اللوتس، و السكر، لحد ما يصيروا كتير ناعمين

و بعدين ضيفوا الكريمة يلي خفقناها عدفعات، و قلبوهم بخفة لحتى يتجانس كل الخليط تماما كتير منيح

لتزيين الكيك: و بعد ما نطالع الكيكة من الفرن نتركها بلقالب لحتى تبرك تماما و بعد ما تبرد كتير منيح بنشيلها من القالب و بنحطها بالصحن

و بعدين بنقصمها لنصين(إختيارية إذا كان بدكم أنو تحشوها من النص)

و بعدين مدوا طبقة من كريمة اللوتس بالنص و بعدين الكريمة يلي تفضل غطوا فيها كل الكيكة من برا كمان كتير منيح

و بعدين زيينوها ببسكويت اللوتس المطحون أو المكسر عالوجه

و بعدين سخنوا ملعقتين من زبدة اللوتس بالمايكرويف، و رشوها عالوجه بشكل عشوائي بيفتح النفس و كتير حلوة

نصائح بتفيدكم: فيكم أنو تعملوا الكيكة عشكل طبقات و بعديت تحشوها بكريمة اللوتس بين كل طبقة و طبقة

فيكم كمان أنو تسقوا الكيكة شوي بالحليب إذا بدكم ياها طرية أكثر

و بعدين فيكم أنو تحتفضوا فيها بالبراد و بتصير أطيب بكتير باليوم الثاني و كتير حلوة