نبدا بسم الله. نحضر التتبيلة الدجاج في رسبسيون نحط فلفل اسود وزنجبيل وكركم. وتوابل الدجاج وعكري حلو وم ص ملح وم ص موطارد وعلبة ياؤرت طبيعي و2سنات ثوم نقطعهم شرائح رقيقة وم ص طماطم مصبرة وعصير حبة ليمون ونخلط الكل مليح

نجيب كويس دجاج وقطعة صدر ونحطها فالخليط ونطلي كامل الكويس بالخليط

نغطي الرسبسيوم بورق شفاف وندخلو الثلاجة مدة سا او اكثر حسب الرغبة ونجيب كاس ونصف رز بسمتي

نغسل الأرز مليح ثم نجيب مقلاة نحط فيها م ك سمن ونحطها عالنار تذوب

بعد مرور ساعة نخرج الدجاج ونجيب مول زجاجي نفرغ فيه الكويس وصدر الدجاج ونحط عليه شرائح الثوم ونضيف حوالي كاس ماء ونغطي بورق طهي مبلل ثم ورق المنيوم ونشعل الفرن يسخن على درجة 200د وندخل الدجاج يطيب حوالي ساعة

نضيف بعد ذلك الأرز ونخليه يتحمص مليح ثم نفرغ عليه حوالي 3كاس ماء

نضيف عليها حبة بصل صغيرة مقطعة رقيق ونقليها مليح ثم نضيف كمية الماريناد المتبقية ونقليها مليح مع البصل

نغطي المقلاة وعلى نار هادئة نخلي الأرز يطيب حتى يتشرب كامل المرق ونطفي النار ونخليه مغطي حتى يبقا ساخن ونرجع الدجاج بعد مرور ساعة نخرجو من الفرن واذا لقيتو طايب نشعل عليه من فوق يتحمر مليح

نرجع المول للفرن ونشعل عليه من فوق ونخلي الدجاج يتحمر مليح ونخرجو من الفرن ونرجع نجيب صحن تقديم نحط فيه نصف كمية الأرز شكلتها بالصحن كما موضح فالصورة

فالاخير نحط كزيس الدجاج المحمر وقطعة صدر الدجاج على جنب ونضيف كمية المرق وباقي الأرز قدمتو في صحن عادي مع كمية المرق المتبقية