الدجاج لا يغسل لأنه فيه بكتيريا سريعة الانتشار عند ملامسة الماء لذلك الطريقة الصحيحة هي تنظيفه بالخل والملح ثم تعريضه للحرارة بوضعه في طنجرة فيها قليل فقط من زيت و يقلب جيدا حتى يبدا يدخله الطياب هذه فكرة الشاف نسيبة.

نضع الدجاج النظيف في قدر، البصل، الرند، الثوم، الخضر، الحمص ونقلبها جيدا

نزيد الزبدة والزيت ونقلي مليح

نزيد التوابل ونقليهم، ثم نسكرفج حبة طماطم ونواصل التقلية

نمرق بماء سخون

من المفروض في هذه المرحلة نزيد تومات كونسونطري ولكن انا استخدمت حبة طماطم مسكرفجة+شويا زعفران (نفذ عندي الطماطم سلكت راسي 🤭)

نزيد حبتين فلفل

نخلي المرق يطيب على نار قليلة

نروح للتريدة ندهنها بالزيت ونحطها تفور، نعاود كي تفور نسقيها بشويا من لاصوص وهي فالكسكاس ونخليها تفور، نزيد نعاود العملية مرتين حتى تفور وطبعا نقلب كل مرة باه ما تتعجنش

لما يستوي المرق نذوقو اذا ناقص ملح ندوزنو +رشة كمون اخضر ، نخرج الدجاج اكوتي ندهنو بالزبدة اما نخليه يتقلى حتى يحمار او ندخلو للفور يتحمر.

نقلي ڨرن الغزال للديكور، ونغلي حبتين بيض ثاني للتزيين

نفصل الخضر والحمص على لاصوص

نجمر التريدة في هاذيك لاصوص بعدا ونحطها في طبق، نحط فوقها الدجاج المحمر، ڨرن الغزال ، البيض و الحمص والخضر الي فصلتها قبل ويقدم الطبق