كيكة بالشوكولاتة الداكنة الفاخرة
وصفة كتير سهلة و بسيطة بنكهة أعمق و أغنى، خلونا نجربها مع بعضنا
كيكة بالشوكولاتة الداكنة الفاخرة
وصفة كتير سهلة و بسيطة بنكهة أعمق و أغنى، خلونا نجربها مع بعضنا
إفتح في تطبيق كوكبادالخطوات
- 1
لتحضير الكيك: سخنوا الفرن عالدرجة حرارة 180 درجة مئوية(350 فهرنهايت)، و حطوا بقالب الكيك ورق الزبدة أو أدهنوه بشوية زبدة
- 2
و بعدين ذوبوا الشوكولاتة الداكنة مع قطعة زبدة عحمام مائي، و بعدين لما تذوب أتركوها لحتى تبرد شوي
- 3
بالخلاط الكهربائي، أخفقوا البيض مع السكر الناعم، و الفانيليا السائلة حوالي 5 دقايق، لحتى يصير المزيج لونه فاتح و كريمي
- 4
و بعدين ضيفوا خليط الشوكولاتة الداكنة و الزبدة يلي ذوبناه تدريجيا عالبيض المخفوق، و أرجعوا حركوه بالخلاط عالسرعة هادئة
- 5
و بعدين أنخلوا الطحين+الكاكاو الخام+البكينغ باودر+الملح، و ضيفوهم عالخليط بالتناوب مع الحليب(يعني ضيفوا مرة حليب و مرة مواد جافة و هيك لحتى تخلص كل الكمية)
- 6
و بعدين أسكبوا الخليط بقالب الكيك و حطوه بالفرن لمدة 35–40 دقيقة، و بعدين جربوا أغرسوا بنص الكيكة عود خشبي صغير و لما يطلع نضيف فهذا بيعني أنها خلص أستويت و صارت جاهزة
- 7
و بعدين طالعوا الكيكة من الفرن و أتركوه يبرد تماما كتير منيح بالقالب قبل ما تحطوه بالصحن و بعدين حطوا عليه الغاناش
- 8
لتحضير غاناش الشوكولاتة الداكنة: سخنوا الكريمة السائلة لحتى توصل لمرحلة ما قبل الغلي
- 9
و بعدين صبوها فوق حبات الشوكولاتة الداكنة يلي كسرناها، و أتركوها لمدة دقيقة بلا ما تحركوها
- 10
و بعدين حركوها بهدوء لحتى تذوب كل الشوكولاتة و تصير كتير ناعمة ولامعة
- 11
و فيكن كمان أنو تضيفوا قطعة صغيرة من الزبدة إذا كنتوا بتحبوا فيها لمعة إضافية و ملمس حريري أكثر بكتير
- 12
و بعدين صبوا الغاناش فوق الكيكة و هي باردة، و فيكم أنوا تزينوها حسب رغبتكم و شو أنتوا بتحبوا
- 13
للتزيين(إختيارية): رشة كاكاو بودرة خام(مثل نوعية valrhona)
- 14
قطع شوكولاتة داكنة مبشورة
- 15
قطع توت أحمر أو قطع فراولة ميشان الكونتراست
- 16
و فيكم كمان أنوا تضيفوا رشة خفيفة من الملح البحري الخشن(مثل نوعية maldon flakes)لأنها بتعطي توازن كتير حلوة مع مرارة الشوكولاتة
- 17
ملاحظات بتفيدكم: الكيكة يلي بالشوكولاتة الداكنة بتكون غنية أكثر، و طعمتها كتير مناسبة لعشاق نكهة الشوكولاتة القوية
- 18
فيكم كمان أنو تستعملوا نسبة كاكاو خام أعلى مثل 85% إذا كنتوا بتحبوا الطعم أنوا يكون أعمق أكثر بكتير
- 19
هالكيكة بتضل طرية و بتتحسن نكهتها لثاني يوم إذا خزنتوها بالثلاجة و حطيتوها بعلبة محكة الغلق كتير منيح
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات