نبدأ بسم الله. نجيب صحن كبير نحط فيه اللحم المفروم ومن جهة اخرى نوجد الخضر بصل وفلفل حلو وحبة طماطم تغسلهم مليح ونقطعهم ونحطها فالاشوار

نرحي الخضروات مليح ونضيفها مباشرة على اللحم ونعاود نرحيه مرة أخرى مع الخضر ثم نضيف عليه ملح وفلفل اسود وزنجبيل وعكري حلو وم ك طماطم مصبرة و2سنات ثوم ونخلط مليح

نغطي الخليط وندخلو الثلاجة ونبدا نحضر عجينة اللحم نجيب رسبسيون نحط فيها 500غ طحين

نضيف ما ك سكر وم ك خميرة الخبز وم ص ملح ونخلط مليح ثم نضيف 3م ك زيت فالاول

نخلط مليح ثم نضيف كاس ماء فالاول ونبدا نلم العجين ثم نكمل الكأس المتبقي ثم نضيف باقي الزيت

نحط العجينة على سطح العمل وندلكها مليح ثم نرجعلها لرسبسيون ونغطيها ونخليها تختمر

بعد الاختمار نجيب ميزان ونحط العجينة على سطح العمل نقطعها قطع ونوزن كل كرة 60غ انا تحصلت على 15 كرة نغطيها ونخليها ترتاح 5دو

نرجع الكرة الاولى نرش سطح العمل بالفرينة ونفتح الكرة الاولى بمساعدة طحين ونحلها شكل دائري

نحط كل كرة فوق ورق طهي حتى نكمل كامل الكرات ثم نجيب الحشو ونحط ما ك معمرة مليح فوق كل كرة ونفتحها مليح على كامل العجينة حتى نكمل كامل الحبات البعض طيبتهم في الفرن والبعض الاخر طيبتهم فالطاجين او مقلاة

نطيبهم من تحت ثم نشعل عليهم الفرن يتحمرو ويطيب اللحم وونخرجهم

فالاخير شكل صفيحة اللحم قدمتها مع صحن التقديم فوق بعض وحبات لفيتهم وقدمتها مع طبق الحريرة ان اشاء الله نكون وفقت في تحضيرها اول مرة نطيب صفيحة سورية