نبدأ بسم الله ونجيب رسبسيون نحط فيها علبة يارورت طبيعي وم ك موطارد (خردل) وزنجبيل وكركم وعكري حلو وم ك طماطم مصبرة و2م ك زيت. ملعقة كبيرة خل ونخلط الكل مليح ثم نحط الكويس تاعي فالخليط ونتبلو مليح

نخلط مليح ونغطيهم ونخليهم حوالى ساعة او اكثر حسب الرغبة بعد مررو ساعة نجيب مول يدخل الفرن نحط فيه 2كويس

نخلط كامل الماريناد عليه والبقية نضيفلها كاس ماء ونفرغها في المول نغطي المول بورق طهي مبلل ثم ورق المنيوم ونحطها في سينة فرن ونشعل الفرن يسخن وندخل الكويس يطيبو مليح

بعد ذلك نحضر الأرز تاعي نجيب طنجرة واسعة نحط فيها كمية وفيرة من الماء ونحط عليه ما ص ملح ونحطها على النار تغلي مع ما ص كركم ثم نضيف 2كاس ارز ونصف بعد ماغسلتو مليح ونخليهم يغلي حتى يطيب الأرز مليح بعد ماطاب نصفيه في كسكاس واسع ونخليه يقطر مليح ونخلط معاه كأس من بقايا الأرز كنت حضرت بيه سلطة الماسيدوان

بعد ذلك نجيب سيينة المول العجيب نفرغ فيها كمية الأرز نسويه مليح بالملعقة ثم نقلبو مباشرة في صحن التقديم

شكل الأرز تاعي جاء بزاف هايل ونروح نخرج نخرج الدجاج تاعي بعد ماطاب وتحمر مليح حتى من فوق

نفرغ كمية من المرق فوق الأرز ثم نحط كزيس الدجاج من فوق

نزين الكويس بورق المنيوم من أسفل ويقدم كوجبة للعشاء وباقي المرق نخليه قدمتو مع الأرز