بقدر نهوس البصله والتوم بشويه زيت ونضيف اللحم المفروم والملح والفلفل وتترك لتستوي تماما

نجهز البشاميل الخفيف انا بعتمد الطريقه السريعه بدوب الطحين مع الحليب والملح والفلفل وبرفعه على النار مع التحريك حتى الغليان

بعد ماتستوي اللحمه بنفس الطنجره ببرش البندورة وبضيف الصلصه والمي المغليه ولما تبدا تغلي بضيف اللازانيا المكسره تكون الكميه مناسبه لكميه الماء وبتركها حتى تقرب تستوي

بضيف نص كميه البشاميل ورشه اعشاب ايطاليه وموزاريلا

ان احتجنا مي بنضيف شويه مي مغليه لان لازم يكون في مرقه ماتطلع ناشفه

لما تستوي اللازانيا تماما بضيف باقي كميه البشاميل على الوجه وشويه موزاريلا وبغطي الطنجره ولماتدوب الجبنه بتكون الاكله جاهزه

وبالعافيه