في بوله نضع (الزبده + السكر البني + السكر الابيض) ونضربهم مع بعض بالمضرب الكهربائي او السبتيوله احد ما يفتح لونه ويبقي كريمي (ممكن نبدا نضرب الزبده الاول لحد ما تلين ثم ننزل بالسكر)

ثم ننزل (البيض + الفانيليا) ونكمل ضرب

في بوله ننخل (الدقيق + بيكنج صودا + بيكنج بودر + ملح) ونخلطهم سوا كويس

ثم ننزل بيهم علي خليط الزبده ونقلبهم سوا (اهم حاجه العجينه بتكون طريه ومش بتلزق)

ثم ننزل بقطع الشكولاته ونقلبهم

ثم نشكل قطع العجينه بوزن ١٠٠ جرام للقطعه الواحده

ثم نكورها ونشكلها بضغط بايدنا نعمل اشكال فيها زي الصوره وممكن نضع علي الوش شوكلاته تاني (وفي الخطوه دي ممكن نحشي الكوكيز بشكولاته سريعه الذوبان او الدروبس) بس انا حطيت كوب شوكلاته فكان كتير لو هنحشي نضع كوب الا ربع بس

ثم نجيب علبه ونضع ورق زبده ثم نرص الكوكيز ونقفل العلبه ونضعها في الفريزر يوم كامل

تاني بوم صينيه ونضع ورق زبده ونرص الكوكيز علي مسافات متباعده عن بعض

ثم تدخل فرن سابق التسخين علي ١٨٠ درجه لمده ١٥ دقيقه بالظبط لحد ما تحمر من الجوانب واللمعه تروح ثم نشغل الشوايه تاخد لون بسيط خالص ومينفعش تقعد اكتر من كده في الفرن (واول ما بتطلع بتبقي طريه من الوسط ودا المطلوب)

واول ما تطلع نرش رشة ملح بسيط خالص بتعادل حلاوة الكوكيز ونتركها تبرد تماما ومنحركهاش من الصينيه وبالف هنا (الوصفه عملتلي ٧ كوكيز كبيره)

ملاحظات : ١- السكر لازم يكون رطب لان الرطب بيساعد ان السكر يدوب اسرع
٢-سكر بني في البيت افضل
٣- كوب الاربع شوكلت شيبس لو عاوزها محشي
٤- وزن ١٠٠ جرام ساده حلو
٥- لو خلينا السكر بودر او مجمدناش الكوكيز قبل التسويه الكوكيز هتفرش منك ٦-وايضا الدقيق انزل بيه بتدريج