نبدا بسم الله ونجيب كمية من خبز التوست نقطعها الى شرائح ونجيب كمية من لحم خروف مقطع رقيق نرحيه فالاشوار

ثم نجيب سينية فرن ندهنها بالزبدة ونحط شرائح التوست ونشعل الفرن يسخن وندخلها مدة 12 د ثم نخرجها

نأخذ كمية قليلة من لحم المفروم ونحط مقلاة عالنار نضيفلها م ك زيت ونحط كمية من اللحم نشوحو مليح ونضيفلو ملح ورشة فلفل اسود ورشة توابل اللحم وسنة ثوم مرحية

نخرج سيينة خبز التوست من الفرن وهكذا يكون شكلها من أسفل ثم نجيب كمية من صلصة الطماطم

نفرغ م ك ونصف من صلصة الطماطم فوق كل شريحة ونحط شرائح زيتون اخضر وشرائح فلفل حار ثم نجيب كمية مليحة من جبنة شيدار

نفرغ اللحم المفروم في صحن ونحط كمية مليحة من جبن شيدار من فوق ونرجع السينية الفرن نشعلو من فوق فقط حتى يذوب الجبن تماما

نخرج السينية من الفرن ونزينها من فوق بلحم مفروم وزيتون اسود

فالاخير شكل بيتزا التوست جات بزاف لذيذة مقرمشة من أسفل وطرية صلصة الطماطم وكذلك وصفة سهلة التحضير