نبدا بسم الله ونجيب حبة بطاطا كبيرة نقشرها ثم نحضر كمية اللحم المفروم نحطها في صحن ونضيف عليها ملح وسنات ثوم مبروشين وبابربكا حلوة وفلفل اسود وتوابل اللحم م ص ونضيف عليها نصف حبة بيض ونخلط مليح

ثم نشكل اللحم المفروم كرات صغيرة ونقطع حبة البطاطا الى مربعات ونقليها مباشرة

نرجع نجيب مقلاة اخرى نحط فيها 2م ك زيت ونخلي يسخن ونضيف كرات اللحم تتقلى مليح ونفرغ كمية البطاطا في رسبسيون واسعة

بعد ذلك نجيب نصف صدر دجاج نقطعو مربعات هو كذلك ونحط في صحن ونتبلو بنفس التوابل وم ص موطارد ونطفي على كرات اللحم بعد ماتحمر مليح

فالمقلاة لي قلبو فيها البطاطا نقلي كمية الدجاج ثم نفرغ البصل المكرمل عالبطاطا ونحط كمية من جبنة شيدار وطنية من جبن مثلثات ثم نخلط 3حبات بيض ونفرغهم في خليط البطاطا

نقسم خليط البطاطا على 2 ونجيب سيينة صغيرة نحط فالاسفل تاعها ورق طهي ونفرغ الكمية الاولى من البطاطا والبصل نشويه مليح ثم نفرغ مباشرة صدور الدجاج المقلية نوزعها عالسطح كامل

بعد ذلك نفرغ كمية البطاطا المتبقية ونسويها مليح ونشعل الفرن يسخن مليح من تحت وندخل السينية حتى يتماسك ويطيب البيض نطفي عليها من الأسفل ونرجع السينية في الرف السفلي الفرن ونشعلو من فوق حتى يطيب البيض وتتحمر من فوق مليح ونخرجها ونخليها تبرد قليلا ثم نقلبها مباشرة فالصحن ننزع ورق الطهي

نجيب كمية من الجبن الطري كما يمكن تحضير كريمة الجبن انا فضلت نحط من فوق جبن طري فقط دهنتو على سطح التورتة وهي ساخنة ثم حطيت كمية مليحة من جبن مبشور عالسطح وحطيت كرات اللحم من فوق ونرجعها الفرن حتى يذوب جبن مبشور ونخرجها مباشرة

فالاخير شكل تورتة صدور الدجاج والبطاطا او التورتة الملكية شكلها كتير راقي وحلوة ولذيذة كمان يمكن ايضا تقدبمها مع صوص بيضاء بالزيتون الاخضر او تقدم هكذا فقط شكل قراتان راقي