نبدا بسم الله ونجيب رسبسيون نحط فيها 2حبات بيض بدرجة حرارة المطبخ مع رشة ملح وطنية السكر نضيفها بالتدريج ونخفق مليح

نضيف الزيت كذلك بالتدريج ونواصل الخفق مليح حتى نتحصل على خليط ابيض كما فالصورة كأنه كريمة

نبدا باضافة الدقيق المغربل مع 2كيس خميرة الحلوى ونخلط بالسباتيلا جيدا

بعد ماتحلصت على عجينة طرية نقص كمية قليلة و الكمية المتبقية نضيفلها الدقيق حتى نتحصل على عجينة متماسكة

اما العجينة الاخرى نزيدلها م ك كاكاو بني ونخلط مليح

نقسم العجينة البيضاء الى 3حربوش والسوداء كذلك ونشكل الحربوش الاول كما نشكل المقروظ نعمل فتحة ونشكل الحربوش الاسود ونحطو فوق الحربوش الابيض ونغلق مليح

نجيب سينة فرن ندهنها بالزيت ونحط الحربوش 3 فالسينية نبسطهم قليلا ثم نجيب صغار بيضة نضيفلو قليلا من الحليب وفليل من الكاكاو ونخلط مليح ثم ندهن سطح العجينة مليح ونشكل خطوط بالشوكة ونكون سخنت الفرن مسبقا ونحط الكروكي يطيب من أسفل ثم نشعلو من فوق يطيب ويأخذ اللون الذهبي ونخرجو من الفرن ونقطعو مباشرة بسكين

فالاخير نقدم حلوى كروكي المحلات في صحن التقديم يحضر لفطور الصباح