نبدا بسم الله ونجيب رسبسيون نحط فيه 2بيض بدرجة حرارة المطبخ مع رشة ملح ونضيف نصف كاس سكر ونخلط مليح

بعد ذلك نضيف ثلث كاس زيت ونواصل الخلط

ثم نضيف كاس ناقص إصبع حليب دافئ ونخلط مليح

بعد ذلك نضيف كاس فرينة مغربلة مع كيس ونصف خميرة الحلوى ونخلط مليح ونبقا نضيف فالكأس الثاني تدرجيا

راح نتحصل على هذا الخليط نضيفلو قطرة قليلة من عطر الفراولة اختياري ونخلط ثم نضيف ربع كاس ماء ساخن ونخلط جيدا

نجيب سينة فرن ندهنها بالزبدة مليح ونرشها بالفرينة ونفرغ الخليط فالسينية ثم نجيب حبات من الفراولة مجمدة (فالفصل هذا فالجزائر ماتكونش الفراولة فراش)

نشعل الفرن يسخن مسبقا وندخل السينية تطيب من تحت ثم نشعل لها تتحمر من فوق ونخرجها ونقلبها فوق صحن دوار ونخليها تبرد تماما ثم نجيب رسبسيون نحط فيه كاس ونصف شانتي ونضيفلها كاس وربع حليب بارد ونخفق مليح حتى يتضاعف الخليط

نقسم الكيك بعد مابرد بسكين منشاري الى قطعتين او 3حسب الرغبة انا قطعها الى 2فقط نحط الطبقة السفلى فوق السجن الدولار الخاص بالكيك ونشربها بالحليب قليلا ثم نحط كمية مليحة من كرام شانتي ونسويها مليح بالسباتيلا ثم نحط قطع صغيرة من الفراولة على سطح الشانتي

بعد ذلك نحط الطبقة الاخرى ونحط عليها كمية مليحة من الشانتي وكذلك الجوانب ونسوي مليح فالجوانب نحط فيتين على كامل الجوانب ندخلها الثلاجة تبرد وتتماسك ثم باقي الكرام شانتي (كريمة الخفق) نضيفلها القليل من عطر الفراولة لتغيير اللون

نجيب كيس حلواني نحط فيه لدوي المسننة لي فالصورة ونشكل وردات على سطح الكيكة من نفرغ فالوسط كوليي الفراولة

فالاخير شكل الكيكة زينتها بانصاف فراولة ودخلتها الثلاجة تبرد لحين التقديم

شكل كيكة بعد ماقطعتها