نبدا بسم الله ونجيب حبة بطاطا كبيرة نقشرها ونغسلها ونقطعها مربعات ثم نغسل لوبيا ماشطو

نجيب طنجرة نحط فيها قطع صدر دجاج ونضيف ملح وفلفل اسود وبقدونس مقطع وعكري حلو وم ك زيت ونحطها عالنار تتقلى مليح ونضيف الفاصولياء الخضراء تتقلى

نضيف م ك طماطم مصبرة ونقلي ونمرق بالماء

نخلي الفاصولياء تطيب مليح حتى ينشف المرق ونكون قليت حبة البطاطا ونضيفها والفاصولياء تتشرب المرق مليح ونفتت صدر الدجاج

نفرغ خليط الفاصولياء والبطاطا في مول زجاجي مدهون بالزبدة ونسويها مليح ونحط جبن طري على سطح المول ونضيف جبن مبشور وفلفل حار وندخلو الفرن يتحمر مليح ونخرجو ونقدمو مع كسرة مطلوع