نبدا بسم الله ونجيب سارسو شكل مربع نغلفو مليح بورق شفاف من الأسفل ثم نحط قطعة ورق طهي نقصها مربع ثم نجيب 5علب بسكويت سادة

نجيب صحن نحط فيه كاس حليب ونبدا نغطس حبات البسكويت فالحليب ثم نحطها مباشرة فالمول

نحط طبقة ثانية من البسكويت فوق الطبقة الأولى ثم نجيب رسبسيون ونحط فيها كاس ونصف شانتي ونضيفلها كاس ونصف حليب بارد

نخفق الكرام شانتي مليح حتى يتضاعف الخليط ونضيفلها علبة زبادي ونخفقها جيدا حتى تنقص الحلاوة ثم نحط طبقة من الكريمة فوق البسكويت

ثم نحط طبقة اخرة من البسكويت وطبقة من الكريمة

بعد ذلك نحط علبة يارورت ذوق الرمان ثم نعاود نحط طبقة من البسكويت ثم طبقة من الكريمة ونضيف فوقها 2م ك شكولاتةالدهن

ثم نحط طبقة أخيرة من البسكويت وفوقها طبقة من الكريمة وندخلها الثلاجة ثم نجيب 2حبات رمان نقشرهم ونفصصهم حبات

نخرجها من الثلاجة ونوزع حبات الرمان على سطح الكريمة مليح

ثم نجيب كسرونة. نحط فيها كاس ونصف عصير الليمون ونضيفلها علبة فلان ذوق فراولة ونخلطها مليح

نحطها عالنار ونبقا نخلط حتى الغليان ونطفي النار ونخليها تتدفى

نفرغ عصير الرمان فوق الرمان ونوزعو على كامل السطح وندخلها الثلاجة مدة 1سا ونخرجها

فالاخير نخرج التحلية وننزع السارسو والورق الشفاف ونقطعها الى مربعات ونقدمها مع قهوة العصر

الشكل النهائي لتحلية الرمان او كيك الرمان دون فرن