نأخذ حبات الباذنجان ونغسلهم ونقسمهم الى نصفين بشكل طولي ونشرحهم بالطول وبالعرض ومندهنن بالخلطه وهي توم وملح وزيت زيتون وندخلهم الفرن من تحت ع حرارة ٢٠٠ بياخدوا تقريبا نصف ساعه او اقل

لتحضير الحشوة : بمقلايه ع النار بحط زيت زيتون والبصل المفروم مع رشه ملح وبقلب حتى يذبل قليلا ثم بضيف اللحم ورشه من ملح وفلفل وقرفه وبقلب شوي وبرجع بضيف البندورة المفرومه ومنتركن ع النار تقريبا ١٠ دقايق حتى يتسبكوا

بعد استواء حبات الباذنجان بالفرن نخرجهم وبالشوكه منهرس لب الباذنجان ومنحشين بالحشوة بقلب كل حبه باذنجان

نجهز الصوص : نخلط معجون طماطم بالماء مع رشه من ملح وفلفل ونسكبه بالبايركس ونضع فوقه الباذنجان المحشي وندخله الى الفرن ١٠ دقايق ع حرارة ٢٠٠ حتى يتسبك

نقدم قوارب الباذنجان جنب الرز مع الشعيريه وصحن خضراوات وياسلاام ولاااطيب 😋😋😋