نبدا بسم الله ونجيب رسبسيون نحط فيه 2بيض بدرجة حرارة المطبخ ورشة ملح ونحضر فالاول كيسات الكاب كيك الورقية ونحط فيهم كيسات ونحط الكل في سيينة فرن

نضيف نصف كاس سكر ونخفق مليح حتى يباض الخليط ثم نضيف نصف كاس زيت ونواصل الخفق مليح ثم نجيب كاس حليب دافئ

نفرغ كاس الحليب ونخلط مليح ثم نضيف 3م ك كاكاو بني وم ك شوكولاتة الطلي ونخفق مليح ثم نضيف 2كاس الاربع فرينة وكيس ونصف خميرة الحلوى

نخلط مليح ثم نفرغ م ك ونصف في كل كيسات ورقية

بعد ما كملت نضيف حبيبات شوكولاتة من فوق وحبيبات لوز ايفيلي ونشعل الفرن يسخن وندخل السينية تطيب من تحت دون مانفتح عليهم حتى تفوت 20د ونخليه يبرد

فالاخير شكل المادلان او الكاب كيك لفطور الصباح احسن وصفة نحضروها لصغارنا فترة الامتحانات