نبدا بسم الله ونجيب ربع صدر دجاج نجيب طنجرة نحط فيها الدجاج و1فخذ وكمية الحمص

نضيف فالطنجرة حبة كراث مرحية مع 2فص ثوم مرحي وبقدونس مقطع رقيق ونضيف ملح وفلفل اسود وبابريكا حلوة ونضيف كمية الحمص ونحطها عالنار تتقلى مليح ثم نضيف م ك طماطم مصبرة ونقلي جيدا ثم نجيب حبات البطاطا نغسلها ونقطعها الى دوائر

نمرق الطنجرة بالماء ونخلي الدجاج ينضج ثم نقلي دوائر البطاطا في زيت ساخن

بعد ذلك نجيب المول الاسطوري 10/35ونحط فيه و ق الطبخ ونحط كمية الأولى من البطاطا كما فالصورة وحتى في جوانب المول

نرجع المرق بعد ماطاب نفتح عليه ونخرج قطع الدجاج ونخلي كمية من البطاطا المقلية من بعد نغلق بيها المول ونرجع نحيب صحن واسع نفتت فيه كمية صدر الدجاج والفخذ كذلك

نضيف 2حبات بيض و2م ك جبن طري وكمية من الحمص والمرق ونخلط الكل جيدا ثم نفرغ خليط اللحم فالمول ونسويه جيدا ثم نحط كمية. جيدة من جبن مبشور

نشعل الفرن يسخن مسبقا ونحط المول نشعلو من تحت حتى ينشف الحشو ويطهى البيض ثم نشعلو من فوق

نخرجو مرة أخرى ونحط كمية اخرة من جبن مبشور ونرجعو الفرن نشعلو من فوق فقط ونغلق عليه ورق الطهي حتى يذوب الجبن تماما ثم نخرجو وننزعو من المول ونخليه يبرد قليلا ونحتفظ بكمية من المرق نقطع بسكين حاد الى مثلثات

نجيب صحن التقديم ونحط مثلثات الڨراتان ونسقي بكمية من مرق الحمص ونزينو ببقدونس مقطع

الشكل النهائي للڨراتان 2026 جاء لذيذ جدا وشكل وتقديم راقي