ڨراتان اصابع الدجاج فالمول الاسطوري
إفتح في تطبيق كوكبادالخطوات
- 1
نبدا بسم الله ونجيب طنجرة نحط فيها قطع دجاج ونضيف عليهم بصل ثوم مرحيين ونحط كزبرة مقطعة ونضيف ملح وفلفل اسود وتوابل دجاج و بابريكا حلوة ووم ك زيت ونقليها على نار هادئة ونجيب نصف صدر دجاج نقطعو قطع صغيرة ونحط و فالاشوار يترحى
- 2
نمرق بالماء ونخلي الدجاج يطيب ونرجع نجيب 3حبات بطاطا مقطعها مربعات ونقليها والزيت
- 3
نرجع نحط الدجاج المرحي في صحن ونضيف عليه كزبرة ونفس التوابل والملح وبيضة صغيرة الحجم ونخلط ثم نضيف م ك شابلير مرحي
- 4
نخلط مليح ونحط 2فص ثوم مبروشين ونجيب ورق شفاف نشكل فيه قطعة لحم نشكلها مستطيلة
- 5
ثم نحط قطعة جبنة فالوسط ونلف ونشكلها حربوش حتى نكمل كامل كمية اللحم
- 6
نجيب نفس المقلاة نحط فيها القليل من الزيت ونقلي اصابع الدجاج ونحمرهم عالجهتين ونحطهم في صحن
- 7
نحضر البيشاميل ونجيب كسرونة نحط فيها نصف لتر حليب نضيف عليها 3م ك فرينة وم ك زبدة ورشة فلفل اسود ورشة كركم ونخلط بارد في بارد ونحطها عالنار حتى يثقال الخليط ونطفي ونضيف قطعة جبنة
- 8
نجيب المول الاسطوري نحط فيه ورق طهي ونفرغ كمية من البيشاميل فالاسفل ونحط قطع البطاطا المقلية
- 9
نحط بعد ذلك اصابع الدجاج بالشكل لي فالصورة ونفرغ كمية البيشاميل المتبقية فوق الاصابع
- 10
نحط من فوق كمية من الجبن المبشور ونشعل الفرن ونخليه يسخن مليح وندخل المول ونخليه حتى ينشف من تحت ونشعلو يتحمر من فوق ويذوب الجبن تماما
- 11
فالاخير نجيب صحن التقديم ونحط فيه ڨراتان اصابع الدجاج ونضيف كمية من المرق في جوانب للصحن مع قطع الدجاج المحمرة
الكوكسناب
Keywords
وصفات مشابهة
وصفات ننصحك بمشاهدتها
التعليقات (10)