نبدا بسم الله ونجيب رسبسيون نحط فيه 3بيض مع رشة ملح وكاس ناقص إصبع سكر وتخفق مليح حتى يبياض الخليط ثم نضيف كاس الاربع زيت ونواصل الخلط

نضيف كاس حليب دافئ ونخلط مليح ثم نجيب صفاية ونحط فيها الكاس الاول من الطحين مع كيس خميرة الحلوى

ثم نضيف 3م ك كاكاو بني ونخلط مليح ثم نضيف الكأس الثاني ونواصل الخلط ونضيف حبيبات الشكولاتة ثم نجيب سينية فرن نحط فيها ورق الطهي

نفرغ خليط الكيك فالسينة ونشعل الفرن يسخن مليح ونحط الكيكة تطيب من تحت ثم نشعل عليها من فوق ونخرجها ونشربها بكاس حليب ونخليها تبرد تماما

نجيب رسبسيون نحط فيه كاس كرام شانتي بودرة ونضيف عليها كاس ماء بارد وتخفق مليح حتى تطلع مليح ويثقال الخليط ثم نضيف م ك شوكولاتة الطلي ونواصل الخفق

نجيب سارسو نحط فيه الكيكة بعد ماشربتها ونحط عليها كمية الكريمة ونسويها مليح بالسباتيلا

ندخل السينية الثلاجة ونخليها ليلة كاملة

بعد ذلك نجيب كسرونة نحط فيها علبة توفيا كاراميل ونحطها عالنار تخفاف قليلا ونضيفلها 100غ كاوكاو محمص ومرحي خشين

نفرغ خليط الكراميل والكاوكاو فوق الكيكة مباشرة ونسويها مليح ثم نعمل خطوطو بشكولاتة الطلي

نقطع بسكين حاد كيكة السنيكرز الى مربعات ونقدمها

فالاخير شكل كيكة السنيكرز شكل وذوق جات كتير لذيذة